掃呢頁CODE去手機

2016年9月22日 星期四

容祖兒獻計  Sammi針灸開聲 [壹週刊 - 1385] __,Sammi,容祖兒,祖兒,許冠傑,Sam,鄭秀文,M1,

雖然帶病上陣,但全晚Sammi勁力十足,的確係「有幾多,俾幾多!」娛樂偵訊容祖兒獻計 Sammi針灸開聲黃牛飛炒到㷫烚烚的八場鄭秀文《touchmi2世界巡迴演唱會》,上週五(九月十六日)掀開序幕;樂迷引頸以待,Sammi亦為個唱狂操三個月。可惜,開騷前一星期,Sammi因病失聲。本身有哮喘,打開聲針有類固醇,Sammi惟有頂硬上,邊唱邊喊講「對唔住!」據知,頭場後,Sammi連環收到圈中老友短訊 ...


雖然帶病上陣,但全晚 Sammi勁力十足,的確係「有幾多,俾幾多!」

娛樂偵訊

容祖兒獻計  Sammi針灸開聲

黃牛飛炒到㷫烚烚的八場鄭秀文《 touch mi 2世界巡迴演唱會》,上週五(九月十六日)掀開序幕;樂迷引頸以待, Sammi亦為個唱狂操三個月。

可惜,開騷前一星期, Sammi因病失聲。

本身有哮喘,打開聲針有類固醇, Sammi惟有頂硬上,邊唱邊喊講「對唔住!」

據知,頭場後, Sammi連環收到圈中老友短訊問候,當中同樣試過開騷失聲,飽受折磨的容祖兒,便建議她用針灸療法。

走住音唱

講明「有幾多,俾幾多」,就算爆炸聲開騷,完全是 EQ測試的 Sammi照勁歌熱舞加連串靚衫。以 sexy medley作為開場, iPad胸的 Sammi突變 3D,仲玩埋凸點,加上同男 dancers貼身舞,下體任摸,連 Sammi都自嘲:「女人唔怕揀錯老公,最緊要揀啱內衣,飛機場都可以變鹹肉粽。」

今次 rundown為順應民意, Sammi挑選大量經典金曲,其中一部分串燒歌,包括《愛的輓歌》、《如果我們不再見》、《你愛我愛不起》、《心血來潮》等,可惜抱病 Sammi即使出盡「洪荒之力」,一去到高音位就走音。不過觀眾實在好愛,自動做和音萬人大合唱,令好自己的 Sammi,喊晒囗向四面台鞠躬:「對唔住你哋(觀眾)!」

「今次 rundown有八成嘅歌都係 Sammi啲 fans要求佢唱,尤其係 encore嗰 part medley,經過第一場之下,第二晚為咗留聲,跟住成 part抽起, Sammi好 sad,因為佢知好多觀眾撲飛撲得好辛苦,有啲人仲係俾錢買黃牛,所以更加覺得對唔住觀眾。」一名工作人員說。

擔心老婆的安仔,晚晚到紅館監場。

備戰多時, Sammi唔刻意求瘦,只要線條靚。

在十字架高台上,同觀眾一齊「 It's so high high high!」

男 dancers由頸摸到落胸,更將頭貼向 Sammi下體,演出大膽。

試過針灸治療聲沙的祖兒,提議 Sammi針灸開聲。

逐漸回復狀態的 Sammi,即刻識講笑搞氣氛!

唔想打類固醇

翌日, Sammi在 ig上載自己在做針灸治療的自拍照,素顏的她面上插滿針,而喉嚨重災區更插有八支針。「尋晚半夜三更咳到六點,幾乎棚牙都咳埋出嚟!惟有針灸,針針到穴,不過聲線有進步咗! yeah!」 Sammi留言。

「其實好多人都叫 Sammi打開聲針,但佢好抗拒,因為有類固醇,會有 side effect,所以容祖(兒)提議佢做針灸, Sammi就肯試,第二日即刻做,把聲真係開番啲,嚟緊幾日都會 keep住針!」

唱《不要驚動愛情》時, Sammi感觸多謝觀眾包容,爆喊表示原來可以開聲唱歌係好開心!

身材 fit爆, Sammi勁騷長腿。

安仔請假睇實

老婆出晒事,原本只會隔日到的安仔,即刻推掉手頭工作,日日準時到紅館打卡。

「原本安仔只係請咗幾日假,不過見到老婆咁,佢都決定推晒啲 job,只係其中有一日就到時間,佢可以照樣四、五點去到紅館,其他日子,都係陪 Sammi踩到完騷。」一名工作人員說。

Sammi一個電話,劉華即刻答應任嘉賓。

經過針灸,唱第四場騷時 Sammi把聲康復不少。

失聲演唱會

開騷壓力大,歌手失聲發燒,甚至擇日重唱,亦有發生。

陳奕迅

10年, Eason連開十八場,唔錫聲的他尾場更破香港紀錄,唱到凌晨一點,其後 Eason發現聲帶生繭,但他未有接受手術,只靠藥物及中醫治療。

張學友

07年,在紅館舉行一連十八場演唱會,其間因感冒失聲,學友一連取消兩晚騷,三個多月後,他於西九龍場地補開兩場,招呼當晚樂迷。

徐小鳳

85年,徐小鳳舉行個唱,唱到第九場,突然發燒的她堅持唱到完騷,但小鳳姐仍覺有負觀眾,堅持為當日觀眾補唱一場。 05年,小鳳姐復出,個唱期間突然失聲要腰斬,小鳳姐自己承擔六位數字損失。

撰文、攝影、攝錄:娛樂組


鍾意就快D Share啦!