掃呢頁CODE去手機

2016年9月19日 星期一

子華搞㷫Sammi舞台做主場 __,子華,鄭秀文,Sammi,許冠傑,Sam,黃子華,

子華搞㷫Sammi舞台做主場44歲的鄭秀文(Sammi)前晚帶病在紅館舉行第二場個唱,獲宣佈「封咪」兩年的棟篤男神黃子華撐場,破戒現身做特別嘉賓吹水,幫口為失聲Sammi製造爆笑12分鐘炒熱全場氣氛,子華神教訓Sammi作為專業表演者,最重要是唔好回水,更公開催她跟老公許志安快生BB,並為他們的兒子改名為「許勝不許敗」,借兩人的情史高呼:「香港要童話!」■男神黃子華前晚開金口表演棟篤笑,指鄭秀文和 ...


子華搞㷫Sammi舞台做主場

44歲的鄭秀文(Sammi)前晚帶病在紅館舉行第二場個唱,獲宣佈「封咪」兩年的棟篤男神黃子華撐場,破戒現身做特別嘉賓吹水,幫口為失聲Sammi製造爆笑12分鐘炒熱全場氣氛,子華神教訓Sammi作為專業表演者,最重要是唔好回水,更公開催她跟老公許志安快生BB,並為他們的兒子改名為「許勝不許敗」,借兩人的情史高呼:「香港要童話!」



■男神黃子華前晚開金口表演棟篤笑,指鄭秀文和許志安的情史是香港童話,Sammi笑到跪地兼說話走音。

鄭秀文前晚假紅館舉行第二場「Touch Mi2世界巡迴演唱會2016」,雖然感冒未癒聲音沙啞,但Sammi依然堅持show must go on,老公許志安誓必晚晚現身觀眾席支持,Sammi唱到口乾搵水飲說:「乾到碌蔗,好缺水。」前晚表演嘉賓竟然是男神黃子華,兩人僅於前年合作拍電影《失戀急讓》,子華的驚喜登場令全場尖叫拆天。



■許志安晚晚捧場支持老婆,更被黃子華公開催他們快生B。



■前晚繼續病住唱堅持演出的Sammi,獲觀眾不停拍掌支持。



■Sammi昨在fb貼素顏相,讚自己的小腹肌。

催Sammi生B

今年4月,子華神接受蕭若元的網台節目訪問,坦言覺得現時的香港「好多嘢笑唔出」,宣告封咪兩年停做棟篤笑,然而,前晚子華破戒撐Sammi再講棟篤笑,甫上台即自嘲:「我成日病,試過臨出場,喺個廁所又屙又嘔。而作為一個專業表演者,最緊要係乜嘢?就係……唔好回水!」子華又爆跟Sammi完全不熟,只拍戲見過一日:「佢問我:『子華你有冇睇過19世紀俄國大文豪陀思妥耶夫斯基嘅《罪與罰》呀?』跟住我就唔想睬佢喇,因為我係冇睇過㗎。」令Sammi笑到走音捧肚。

接着戲肉上場,子華擺許志安上枱勁放笑彈:「你哋係咪好想許志安同Sammi講……」Sammi用高八度走音聲線制止:「千祈唔好中計呀!」子華行遠跟Sammi保持距離,施施然說:「你太瘦喇!咁樣點生BB呀?」Sammi沒好氣說:「邊個話生BB?」子華抵死答:「仲得㗎,你今日攰啲,但休息完你會唔會有啲力。」

騷44歲小腹肌

步步進逼的子華更借Sammi和安仔的情史,發揮棟篤笑撐港精神:「我今日係想講有少少社會意義嘅嘢,點解啲人會咁想你同許志安一齊?因為呢個係童話呀!金童玉女,但係爆咗煲,曾經,然後破鏡,竟然又能夠重圓。呢個係童話中嘅童話,所以你明唔明白,你嘅社會意義,你嘅社會責任呀?係因為今時今日嘅香港,係少咗好多童話㗎喇!所以,如果許志安鬧你,你係有權同佢講:『收聲!』唔係為咗我,係為咗香港,大局為重!」

最後,子華提出童話要有完美結局:「生個仔,我連你個仔個名都幫你諗埋,就叫做『勝不許敗』!三母子一齊走出嚟,贏晒!許志安,鄭秀文,許勝不許敗!」全場拍爛手掌,Sammi笑到走音說:「多謝!」子華的12分鐘棟篤笑任務完美落幕,Sammi繼續載歌載舞落力表演,尾聲時說:「今晚開唔開心呀?你哋開心我就開心,多謝你哋!雖然把聲沙,但我有六個字想講,『有幾多畀幾多』!」另外,Sammi昨午在fb貼素顏騷腹肌相,留言自我鼓勵:「沒有不可能的任務。44歲。送給自己的小小腹肌。mi,做到了。」

採訪:黃曉妍

攝影:陳慧安


鍾意就快D Share啦!