掃呢頁CODE去手機

2016年9月22日 星期四

幫襯街邊檔  YoYo錫住王浩信個荷包 [壹週刊 - 1385] __,王浩信,蒙嘉慧,YoYo,陳自瑤,YoYo,伍淑怡,M1,

藍色好定格仔好呢?同你吟一吟幫襯街邊檔 YoYo錫住王浩信個荷包世界冇醜女人,只有懶嘅女人!根據呢個說法,女人係唔可以懶。所以,四年前做咗媽咪嘅YoYo陳自瑤,生完之後,食得清做運動,條腰keep住22吋,仲要日日敷mask,保住靚樣。更重要嘅,係YoYo唔會亂使錢。呢一日,佢經過中環利源東街一個街邊檔,見到啲幾十蚊貨仔嘅大披肩,立即心形眼,停低係咁摷,紅色藍色格仔逐條攞起睇,不知揀得幾開心。老公 ...


藍色好定格仔好呢?

同你吟一吟

幫襯街邊檔  YoYo錫住王浩信個荷包

世界冇醜女人,只有懶嘅女人!根據呢個說法,女人係唔可以懶。所以,四年前做咗媽咪嘅 YoYo陳自瑤,生完之後,食得清做運動,條腰 keep住 22吋,仲要日日敷 mask,保住靚樣。

更重要嘅,係 YoYo唔會亂使錢。呢一日,佢經過中環利源東街一個街邊檔,見到啲幾十蚊貨仔嘅大披肩,立即心形眼,停低係咁摷,紅色藍色格仔逐條攞起睇,不知揀得幾開心。

老公王浩信近年雖然愈撈愈掂,但大台份糧始終有限,個女過兩年又要升小學,一闊三大,條數好襟計,慳家做好老婆,抵讚。

陳自瑤唔客氣,逐條拆袋揚起睇真啲。

大披肩幾十蚊一條,抵成咁,戴住口罩嘅陳自瑤眼都大埋。

勤做運動嘅陳自瑤 keep住 22吋腰,老公王浩信都要舉起手指公俾 like。

周家蔚執平價童裝

除咗 YoYo,張新悅同周家蔚亦一樣識同老公慳荷包,自己都搞過童裝生意嘅天明嫂,買衫俾兩個仔,只係幫襯百幾二百蚊就有交易嘅 Zara。

周家蔚除咗買衫俾囝囝,都有買嘢氹吓自己。

幫囝囝由底到面買齊,周家蔚慢慢襯,店員幫手搵碼。

生極都係仔,兩公婆心思思,追番個女。

張新悅齋睇

至於婚後同老公楊哲安生咗三個千金嘅張新悅,雖然夫家好好境,但佢平貴都 like,亦同周家蔚一樣,係平民化 Zara忠粉。

Zara嘅衫幾十到幾百都有,張新悅摸住一樣,個頭又望住另一樣,好忙。

夠鐘 join番老公楊哲安,張新悅睇吓就算。

撰文:八珍


鍾意就快D Share啦!