網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年10月6日 星期四

朱千雪帶挈 李佳芯鍊贏蔡思貝再坐正 [壹週刊 - 1387] __,蔡思貝,李佳芯,朱千雪,千雪,M1,

李佳芯11年由有線過檔大台,由做「妖精」起家,近日終於接連做女一。雖然冇黃翠如咁快上位,但都唔失禮。娛樂偵訊朱千雪帶挈 李佳芯鍊贏蔡思貝再坐正33歲李佳芯,首次做女一的《律政強人》有廖啟智、方中信傍實,表現不過不失;被大台器重,下月開拍的新劇《踩過界》,她又拗贏手瓜,揮低蔡思貝再做女一。加上同ViuTV主持男友感情穩定,winwin。朱千雪棄權機會只會留給有準備的人!還在放假中的李佳芯,已刨定劇本 ...


李佳芯 11年由有線過檔大台,由做「妖精」起家,近日終於接連做女一。雖然冇黃翠如咁快上位,但都唔失禮。

娛樂偵訊

朱千雪帶挈 李佳芯鍊贏蔡思貝再坐正

33歲李佳芯,首次做女一的《律政強人》有廖啟智、方中信傍實,表現不過不失;被大台器重,下月開拍的新劇《踩過界》,她又拗贏手瓜,揮低蔡思貝再做女一。加上同 ViuTV主持男友感情穩定, win win。

朱千雪棄權

機會只會留給有準備的人!還在放假中的李佳芯,已刨定劇本,為下月開工的新劇《踩過界》做準備。新劇飾演法官,對白又長又難記,李佳芯亦不敢怠慢,開行 turbo做功課。咁俾心機,全因機會難得。

據了解,該監製林志華原本打算沿用師奶 like爆組合:王浩信加朱千雪的《 EU超時任務》牌頭上陣,但鋪定後路做律師的朱千雪要留番啲時間讀書,女主角都唔做,只答應客串一角。

女一人選,監製改在蔡思貝與李佳芯中選取,最後由李佳芯勝出。

「 Tracy(朱千雪)想專心讀書,但佢同阿 Lam(監製林志華)係 friend底,所以都幫拖客串做番個角色。用蔡思貝定 Ali(李佳芯),阿 Lam都諗咗好耐,咁啱呢排 Ali喺《律政強人》做律師,表現唔錯又夠大體,加上阿 Lam最大考慮係覺得 Ali形象比蔡思貝更入屋,網民亦偏向接受多啲,所以決定將女一角色俾咗佢上。」知情人說。

日前出席完活動,李佳芯返回柴灣公屋娘家陪家人,都算孝順。

同行還有一位女友人電燈膽,拍拖兩年,已經融入雙方社交圈。

日前唔使開工,李佳芯孖男友陳炳銓去西貢食午餐。

朱千雪與王浩信的《 EU超時任務》叫好叫座,監製林志華曾言希望拍續集,可惜朱千雪要重返校園,開拍無期。

上位速度快過打針的蔡思貝,估唔到今次會輸俾李佳芯,做梗頸二。

方丈扮自己友

五年前由有線過檔大台,逐步上到今日位置,但同其他有線舊屬不一樣,李佳芯並非方丈余詠珊愛將。

「好多人都以為 Ali係 Sandy(余詠珊)睇,其實錯晒。過咗 TVB之後, Sandy都冇乜特別幫佢,反而係珍姐(曾勵珍)留意到佢,喺《名門暗戰》安排佢試做岳華二姨太, Ali表現得幾好,所以珍姐就同啲監製單聲,多啲俾機會佢。到 Ali做《學是學非》 hit咗, Sandy先攬埋佢,扮自己人。」

事業穩步向上,感情方面,與拍拖兩年的 ViuTV主持陳炳銓在西貢蠔涌半同居的李佳芯,亦會定期返柴灣公屋陪父母。靠實力上位,凡事腳踏實地的她,實在同其他大台小花大不同。

近日成功上位,李佳芯即買新車獎勵自己,紅色福士甲蟲車價約 20萬。

新劇角色做法官大人,所以就算近日

放假,李佳芯都要勤背對白,她更自嘲

不足。

李佳芯拍住咁資深的智叔及方中信,應該學到好多嘢。

估佢唔到!原來李佳芯有畫水墨畫,並曾與同學一起開畫展。

撰文、攝影、攝錄:娛樂組


鍾意就快D Share啦!