掃呢頁CODE去手機

2016年10月13日 星期四

洪永城黃翠如郊遊玩腸 [壹週刊 - 1388] 翠如,洪永城,M1,黃翠如

黃翠如叉住條廚師腸追插洪永城,玩住開工,爽!娛樂偵訊洪永城黃翠如郊遊玩腸洪永城被指不滿唐詩詠同契哥馬國明經常「行孖咇」,早前在楊怡婚宴上向「情敵」硬碰洒杯洩憤,當眾失禮,搞到女友嬲嬲豬。打爛醋埕,洪永城餘氣未消!新劇同緋聞前度黃翠如合演夫妻,懶理對方名花有主,攞正牌打情罵俏,完全零顧忌。己所不欲,勿施於人。洪永城唔驚返屋企跪玻璃,更加冇理會蕭正楠的感受。開火洩憤由有線到無綫,洪永城同黃翠如是觀眾心 ...


黃翠如叉住條廚師腸追插洪永城,玩住開工,爽!

娛樂偵訊

洪永城黃翠如郊遊玩腸

洪永城被指不滿唐詩詠同契哥馬國明經常「行孖咇」,早前在楊怡婚宴上向「情敵」硬碰洒杯洩憤,當眾失禮,搞到女友嬲嬲豬。

打爛醋埕,洪永城餘氣未消!新劇同緋聞前度黃翠如合演夫妻,懶理對方名花有主,攞正牌打情罵俏,完全零顧忌。

己所不欲,勿施於人。洪永城唔驚返屋企跪玻璃,更加冇理會蕭正楠的感受。

開火洩憤

由有線到無綫,洪永城同黃翠如是觀眾心目中的「熒幕情侶」,即使現實中各自都有另一半,不過大台依然經常安排兩人「情侶」檔玩 Gimmick!新作是《我瞞結婚了》!

上週一(十月三日),即楊怡婚宴翌日,前一晚才同「情敵」馬國明開完拖的洪永城,一早現身龍蝦灣郊野公園為新劇開工。

經過前一晚發洩完,洪永城心情明顯大靚,等埋位期間,不時對翠如 BB口花花,又大獻殷勤,主動幫對方整理帳幕,兩人又齊齊拎住包準備用來拍 BBQ戲的廚師腸,研究一番。到正式埋位,翠如 BB同黃浩然叉住條腸追住洪永城狂插,玩住開工,開心到呢!

上週日( 2/10)洪永城原本開開心心同女友唐詩詠出席楊怡和羅仲謙婚禮。

洪永城不滿馬國明經常借故親近自己女友,搞到在楊怡的婚宴上向「情敵」硬碰杯洩憤,打爛醋埕。

男友當眾失禮,散席後,唐詩詠黑住面走。

姣精胸壓

新劇中洪永城同「前度」黃翠如終於做埋夫妻,仲有姣精傅嘉莉做「小三」,二人不乏親熱戲。

「有場戲 Kelly(傅嘉莉)要胸壓只係著住孖煙通埋位嘅洪永城,拍之前 Tony懶得戚咁話唔使同女友交代,但 roll機前竟然緊張到要飲酒壯膽,之後仲俾我哋發現佢一 cut機,就匿埋同女友 facetime,之後每拍完一個 shot就即刻行埋一邊打電話!」劇組工作人員說。

之前一晚同「情敵」馬國明開火的洪永城,第二日向翠如 BB大獻殷勤,仲扮「豬嘴」氹對方開心。

翠如 BB玩腸,睇到洪永城在旁傻笑。

天生愛撩女仔的洪永城,一有空檔就打電話向女友唐詩詠報行蹤,內外都照顧周到。

傳過緋聞的黃翠如同洪永城在新劇《我瞞結婚了》中飾演夫妻,分外有默契。

傅嘉莉喺新劇中做「小三」,同洪永城有不少親熱鏡頭。

派定心丸

同「不可錯過」的女友唐詩詠拍拖超過一年,洪永城被指同舊愛造型師 Bird Tse藕斷絲連,最近又傳出拍新劇《我瞞結婚了》時,與黃翠如、傅嘉莉眉來眼去,一直吼住「細妹」的馬國明火上加油,不時勸唐詩詠「睇定啲」。

雖然明知男友花弗又喜歡口花花氹女仔,但發生婚宴開火事件後黑晒面的唐詩詠,火速公開向男友派定心丸,還自爆隨時 ready閃婚。

「 Natalie(唐詩詠)話就話仲係同屋企人住,但自從 Tony搬咗入西貢匡湖居之後,佢一個星期起碼有五日喺男友屋企過夜,其實已經半同居,所以佢哋閃婚絕對唔出奇!」唐詩詠身邊人說。

夜晚去麗嘉酒店飲楊怡喜酒,洪永城日頭仲開緊工。

唔使埋位,洪永城撩翠如 BB一齊拉筋。

唐詩詠自爆隨時 ready閃婚。

洪永城同唐詩詠經常喺網上放閃晒 sweet。

因為同蕭正楠亦好老友,洪永城有恃無恐,對名花有主的黃翠如依舊口花花。

眼火爆

洪永城呷醋,搞到在楊怡婚宴上同「情敵」馬國明開拖,寃家路窄,情敵碰頭,好易火遮眼,就算有頭有面,因此展開罵戰,甚至大打出手亦時有發生。

胡定欣 莊思敏

99年,胡定欣與吳浩康參加《新秀》撻着,其後男方被斷正偷會莊思敏,胡定欣主動結束七年情,事後兩女在電視城開火,胡定欣大鬧情敵:「你著我舊鞋咋!八婆!」

陳輝虹 安格斯

86年港姐林其欣,於商台任職 DJ期間被陳輝虹及安格斯同時追求,兩男在商台大堂相遇大打出手,連玻璃大門都被打爆。

周麗淇 佘詩曼

11年, Toby梁靖琪擺酒結婚,同時邀請鄭嘉穎與舊愛周麗淇及佘詩曼,有傳鄭嘉穎因為主動走埋 Niki身邊傾偈,令佘詩曼極度不滿。翌日,兩女在無綫化妝間相遇,佘當眾怒啤 Niki。

撰文、攝影、攝錄:娛樂組


鍾意就快D Share啦!