網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年10月20日 星期四

被揭發同居 俾高層照肺 李佳芯疏遠奀星男友 [壹週刊 - 1389] __,李佳芯,M1,

娛樂偵訊被揭發同居 俾高層照肺 李佳芯疏遠奀星男友新紮花旦李佳芯,因被讚戲好獲大台力捧,在《巨輪II》俾吳岱融用錢掟鬧係臭雞一幕,人氣爆錶;拍住方中信、廖啟智的《律政強人》,孭飛做女一的她表現穩定,不似陳凱琳和蔡思貝,俾人狂插演技屎。大台難得捧到人,點知李佳芯男友是ViuTV奀星陳炳銓,兩個愛得愈來愈高調,為免鋒芒初露的花旦形象受損,大台決定出手。被余詠珊召去照肺的李佳芯,惟有急凍戀情,唔敢再與男 ...


娛樂偵訊

被揭發同居 俾高層照肺 李佳芯疏遠奀星男友

新紮花旦李佳芯,因被讚戲好獲大台力捧,在《巨輪 II》俾吳岱融用錢掟鬧係臭雞一幕,人氣爆錶;拍住方中信、廖啟智的《律政強人》,孭飛做女一的她表現穩定,不似陳凱琳和蔡思貝,俾人狂插演技屎。

大台難得捧到人,點知李佳芯男友是 ViuTV奀星陳炳銓,兩個愛得愈來愈高調,為免鋒芒初露的花旦形象受損,大台決定出手。被余詠珊召去照肺的李佳芯,惟有急凍戀情,唔敢再與男友同居。

加簽五年換女一

今年初,李佳芯同大台加簽了五年合約,結果換取做《律政強人》女一,向一線花旦位置踏前一大步。

事業愛情兼得的李佳芯,與 ViuTV奀星陳炳銓拍拖已超過一年,戀情不是秘密,過去大台亦未有任何反對,直到她同時有兩劇出街,花旦位置愈來愈明確,加上被爆與男友在西貢同居,大台終於出手打壓。

李佳芯同陳炳銓多次被斷正拍拖,又曾經當街激嘴,如今李佳芯竟然公開話冇拍過拖,對方唔係男友,睇嚟李佳芯都好隨便,唔係男友都嘴得。

余詠珊可以一手捧起李佳芯,亦可以一手整沉她,所以李佳芯惟有聽話。

李佳芯喺《律政強人》中表現不俗,拍住方中信同廖啟智都無怯場。

在《巨輪 II》被高天鷲鬧係臭雞呢一幕,引起極大回響。

打定輸數

當年從有線帶李佳芯去大台的余詠珊,即召她返公司照肺,方丈貫徹舊式思維,藝人拍拖就會影響事業,但最主要是男方係二打六,同已經上了位的李佳芯有太大距離,一齊的話,只會被拖累,甚至女一地位不保。

「 Ali(李佳芯)等咁耐先等到擔正,佢梗係驚公司『質』番佢落去做配角所以佢同 Danny(陳炳銓)講要低調啲,呢段時間風頭火勢,大家暫時唔好見住;雖然冇講到話要分手,不過 Danny都打定輸數,預咗隨時俾人飛。」陳炳銓身邊人說。

俾大台照完肺,要同男友被迫分居,李佳芯心情勁差。

搬離男友愛巢,李佳芯搬回筲箕灣公屋。

做咗女主角升呢出了部新車,更用上自己的英文名「 Ali」做車牌。

擘大眼講大話

被公司照完肺後,李佳芯對外即與陳炳銓劃清界線,甚至否認拍拖,指雙方目前是了解階段。已經亂了方寸的李佳芯,連自己曾經被斷正同男友當街嘴嘴都忘記,擘大眼講大話。

另方面,李佳芯亦迅速由男友西貢寓所,搬回筲箕灣娘家。上星期,本刊發現她一個人揸車去到西灣河東大街,將車停在路邊講了接近半粒鐘電話後,再落車買洗頭水,素顏的她相當憔悴。

買完嘢,李佳芯就揸車直接返回筲箕灣屋企。

成功上到位,所以大台稍後開拍的新劇《踩過界》,都決定繼續俾她做女一,蔡思貝坐歪做女二。

陳凱琳同蔡思貝都係大台力捧對象,可惜每次演出都俾網民狂插。

今年三十三歲的李佳芯,演壞女人又得,扮番純情少女又得,戲路好闊。

週一( 17/10),陳炳銓仍揸住李佳芯架車到銅鑼灣行街。

問到陳炳銓同李佳芯是什麼關係,他表示雙方發展中,但唔係男朋友。

棒打鴛鴦

無綫墨守成規,對旗下藝人私生活,只要覺得有機會損害公司利益,便會採取非常手段,加以干預。

楊思琦 李泳豪

當年被大台力捧的楊思琦因為搭上李泳豪,大台一度落力打壓,但男方冇有怕唔妥協,照在微博晒甜蜜合照,結果,楊思琦亦失寵。

陳凱琳 溫家偉

被無綫點名力捧的陳凱琳,與港男大隻仔溫家偉合作主持飲食節目《搵食飯團》時,男方大獻殷勤,奀星想高攀「處女」,大台手起刀落,即時調走大隻仔。

劉佩玥 空少男友

入行前有個拍拖超過四年的空少男友,但因公司詐型,劉佩玥拍拖避忌,出入前後腳,又剷走晒 fb中合照,相當鬼祟。

鍾嘉欣 伍允龍

鍾嘉欣與「武男」伍允龍傳出緋聞後,大台不滿男方零知名度,即施壓警告鍾嘉欣,不可承認戀情。

撰文、攝影、攝錄:娛樂組


鍾意就快D Share啦!