掃呢頁CODE去手機

2016年10月22日 星期六

【獨家】吳若希請一年長假陪男友 計劃18年結婚 __,吳若希,

吳若希早前同澳門闊少Alex鬧分手,明明拍拖好恩愛,做咩要分手呢?據知係因為Alex想吳若希同佢一齊去美國結婚生仔,不過吳若希唔想咁快結婚,知情人士透露:「因為吳若希好信風水,師傅話佢一定要18年先可以結婚㗎嘛,所以佢咪同男友嗌交囉。」據知Alex好鬼冧女友,拍拖冇耐已經求婚,今年初仲喺ig晒百萬支票求婚,話要養女友一世,近月不停向女友催婚,又提出幫女友同大台解約,點知吳若希堅持唔嫁住,兩人大吵一 ...


吳若希早前同澳門闊少Alex鬧分手,明明拍拖好恩愛,做咩要分手呢?據知係因為Alex想吳若希同佢一齊去美國結婚生仔,不過吳若希唔想咁快結婚,知情人士透露:「因為吳若希好信風水,師傅話佢一定要18年先可以結婚㗎嘛,所以佢咪同男友嗌交囉。」據知Alex好鬼冧女友,拍拖冇耐已經求婚,今年初仲喺ig晒百萬支票求婚,話要養女友一世,近月不停向女友催婚,又提出幫女友同大台解約,點知吳若希堅持唔嫁住,兩人大吵一鑊,最後吳若希仲一時意氣嗌分手。不過分手之後,吳若希好唔開心,不停喺社交網暗示掛住男友,又去外地旅行療情傷,知情人士表示:「吳若希主動過澳門搵Alex,好快就復合咗啦,跟住一人讓一步,Alex唔使女友去美國,吳若希就同大台請咗一年長假,過去澳門陪男友囉,不過吳若希堅持18年先結婚,佢覺得o依家仲自己養得起自己,唔使睇人面色做人,如果佢唔自己賺錢傍身,第時有咩事佢咪食屎。」至於傳佢大肚,知情人士話係流料:「佢都唔想咁快結婚,點會畀自己大肚呢,而且佢之前去旅行,如果大肚仲點可以玩潛水同sky dive呀!」入行幾年嘅吳若希,唔止搵到有米男友,據知本月中仲榮升業主,豪擲900幾萬買入何文田新盤何文田山畔細單位,好友都笑係咪男友送樓?吳若希同好友否認:「我自己錢嚟㗎,一毫子都無用過佢!我買嚟投資㗎。」財來自有方嘅吳若希,唔止可以輕易買近千萬樓,據知仲同好友喺澳門合作搞生意,之前男友仲陪佢去澳門睇舖位,唔知又係咪男友畀錢佢做老闆娘呢!記者向吳若希求證,佢透過短訊回覆:「我放緊假,唔係香港,唔會回應任何新聞。」

之前吳若希放風暗示要暫別娛樂圈,唔知係咪為放假去澳門陪男友鋪路。 之前吳若希經常同男友孖公仔去旅行
又貼相放閃

來源 source: http://s.nextmedia.com
鍾意就快D Share啦!