掃呢頁CODE去手機

2016年10月13日 星期四

【人生黑歷史】 唔拍就賠2,000萬 吳啟華被呃接拍三級片 __,吳啟華,

【人生黑歷史】唔拍就賠2,000萬吳啟華被呃接拍三級片20,680建立時間(HKT):101300:02#video_player{width:100%;height:100%;}適中字型較大字型現年52歲嘅吳啟華,83年簽約無綫後,首次擔正嘅角色就係同劉德華、趙雅芝合作嘅《魔域桃源》,劇中吳啟華第一次做反派角色,由於演技奸到出汁,所以之後嘅劇集好似《大運河》同《流氓大亨》都係繼續做奸角,其中喺《 ...


【人生黑歷史】 唔拍就賠2,000萬 吳啟華被呃接拍三級片

20,680
建立時間 (HKT): 1013 00:02

現年52歲嘅吳啟華,83年簽約無綫後,首次擔正嘅角色就係同劉德華、趙雅芝合作嘅《魔域桃源》,劇中吳啟華第一次做反派角色,由於演技奸到出汁,所以之後嘅劇集好似《大運河》同《流氓大亨》都係繼續做奸角,其中喺《流》劇中,做萬梓良失散多年細佬嘅吳啟華,用盡陰招陷害大佬,睇到一眾師奶觀眾咬牙切齒。87年,吳啟華同無綫鬧反,繼而轉戰拍電影,不過吳啓華所拍電影,令人最深刻嘅,必定係兩套三級片,首先係91年同「波霸」葉子楣拍嘅《玉蒲團之偷情寶鑑》,同埋94年同翁虹拍嘅《滿清十大酷刑》,吳啟華嘅三級男星形象從此定型。雖然自己有份拍嘅《玉》片,當年票房收近$2,000萬,創下三級片紀錄。但對於自己拍過三級片,吳啟華曾經喺訪問中,話好後悔接拍,仲話當時係俾人呃去拍,如果唔拍,就要賠$2,000萬,為咗呢件事,吳啟華想過退出娛圈。好彩,到98年,吳啟華重返娘家,終於接到好籌,接拍《妙手仁心》,做情深款款程至美,入屋兼加分,之後再拍第二、三集,成功轉型!

吳啟華自稱當年被呃接拍三級片,如果唔拍,就要賠$2,000萬。 即使對手係波霸葉子楣,都無福消受。
但過咗幾年,吳啟華再拍三級片《滿清十大酷刑》,同翁虹做對手戲。 好彩,之後返無綫拍《妙手仁心》,做程至美醫生,成功入屋。 仲拍足三集。

來源 source: http://s.nextmedia.com
鍾意就快D Share啦!