2016年10月24日 星期一

【29歲入行叫後生?】52歲曹永廉捱足23年攞男配角:我冇入錯行 __,曹永廉,

曹永廉呢個名相信大家都唔會陌生,但係要講佢有咩代表作你又真係講唔出,最多都係記得佢喺《公公出宮》演咗太監「細雞」。不過今年52歲嘅佢終於捱出頭喇,前晚佢喺新加坡《星和無綫電視大獎2016》奪得「我最愛TVB男配角」,總叫入行23年有個交代。連佢嘅《公公出宮》拍檔黎耀祥同好兄弟洪天明都有喺微博留言恭喜佢。曹永廉憑住《公公出宮》奪得「我最愛TVB男配角」,佢好感動咁講:「我好後生入行,轉眼已23年,我 ...




其他影片:>>






曹永廉呢個名相信大家都唔會陌生,但係要講佢有咩代表作你又真係講唔出,最多都係記得佢喺《公公出宮》演咗太監「細雞」。不過今年52歲嘅佢終於捱出頭喇,前晚佢喺新加坡《星和無綫電視大獎2016》奪得「我最愛TVB男配角」,總叫入行23年有個交代。連佢嘅《公公出宮》拍檔黎耀祥同好兄弟洪天明都有喺微博留言恭喜佢。曹永廉憑住《公公出宮》奪得「我最愛TVB男配角」,佢好感動咁講:「我好後生入行,轉眼已23年,我唱歌出身,攞到這個獎證明我冇入錯行。」等陣先……曹永廉好後生入行?佢29、30歲先入行喎。睇嚟人人對後生嘅定義好唔同,古語有云「三十而立」,做人處事都已經有一個自己嘅見解;唔再係十八廿二「吊吊揈」,見一日過一日喎,咁遲入行都叫後生?曹永廉未入行前係做sales,仲要係女性內衣嘅sales,阿廉早年接受訪問時講過:「搵食啫,有乜慘得過爭十幾萬卡數又無飯開?」其實佢心水都幾清,仲話:「我放低咗尊嚴好耐喇。」或者係有咁嘅經歷,先可以令佢可以豁出去咁飾演每一個角色。到啱啱播完嘅《律政強人》飾演任偉樑,做「食女王」,而且城府深又攻心計,喺張強(方中信飾)同KC(廖啟智飾)之間做「牆頭草」,仲要忍受被當狗一樣嘅待遇,令人諗番起:「我放低咗尊嚴好耐喇。」一句,的確,經歷影響演技。雖然事業浮浮沉沉,不過阿廉遇上生命中最重要嘅人,姜大偉嘅大女——姜依蘭。二人婚後育有一子一女,阿廉喺訪問入面話,最初知道太太有喜時好擔心,因為結婚、擺酒、搬屋,等等全部都係錢;即使有計劃結婚,但係一下子將所有事推前去做,感覺被打亂咗陣腳。不過到囝囝出世嘅一刻,親手抱住BB嗰一下實在嘅感覺,令佢感動到流下男兒淚。所以話,真係莫欺「少年」窮,無論幾多歲入行都好,總會有捱出頭嘅一日,不過有幾多人有咁嘅韌力又係一件事。

曹永廉前晚喺新加坡《星和無綫電視大獎2016》,憑《公公出宮》嘅「細雞」一角奪得「我最愛TVB男配角」。 攞到「我最愛TVB男配角」總叫入行23年有個交代。
曹永廉之早年接受訪問時講過:「我放低咗尊嚴好耐喇。」 (資料圖片) (資料圖片) 07年曹永廉同姜大偉嘅大女——姜依蘭結婚。 (資料圖片)
(資料圖片) (資料圖片) 曹永廉話抱住BB嗰種實在嘅感覺令佢好感動。 (資料圖片)
(資料圖片) 大仔曹保熙抱住細女曹曦文。 (資料圖片) 曹永廉初初出道係做歌手。 (資料圖片)
(資料圖片) 最近曹永廉喺《律政強人》演任偉樑。(TVB圖片) (TVB圖片)
黎耀祥恭喜兄弟。 洪天明都有道賀。

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...