掃呢頁CODE去手機

2016年10月29日 星期六

【借無綫澄清婚變】激罕!42歲陳煒同富商老公做騷晒恩愛 __,無綫,陳煒,

亞姐出身嘅陳煒,08年同細佢三年嘅台灣富商顏志行,嗰陣煒哥喺亞視差不多月入十萬,喺「亞洲亞洲」呢九年間,搵落唔少,係百萬年薪員工。但當年煒哥為咗愛情,做跟得夫人,經常跟從事綠色能源產業生意嘅老老公四圍飛,台灣、北京、泰國都住過,最後都係返番香港,復出拍劇仲簽大台,為爭做大台一姐密密接劇,甚至不介意性感演出,早排仲簽長約7年。以42歲之齡簽7年長約,有數得計。熟女最輝煌,就係呢十年。而且顏志行要為生 ...




其他影片:>>






亞姐出身嘅陳煒,08年同細佢三年嘅台灣富商顏志行,嗰陣煒哥喺亞視差不多月 入十萬,喺「亞洲亞洲」呢九年間,搵落唔少,係百萬年薪員工。但當年煒哥為咗愛情,做跟得夫人,經常跟從事綠色能源產業生意嘅老老公四圍飛,台灣、北京、泰國都住過,最後都係返番香港,復出拍劇仲簽大台,為爭做大台一姐密密接劇,甚至不介意性感演出,早排仲簽長約7年。以42歲之齡簽7年長約,有數得計。熟女最輝煌,就係呢十年。而且顏志行要為生意奔走,兩公婆聚少離多,今年五月更有報道指長居台灣嘅顏生同26歲台灣歌手鄭雙雙過從甚密,甚至不避嫌一齊出席飯局,煒哥知悉後立即飛到台北會老公。以前都間唔中見到煒哥同老公一齊出席活動,呢幾年真係冇;加上煒哥咁博拍劇自力更生咁款,難免令人聯想。不過周三同周四呢兩集《煒哥的味道》,竟然搵埋老公出鏡喎,仲落手落腳煮嘢食,其中一款係蕃茄濃湯關廟麵;介紹顏生出場都好搞笑0架,祥仔阮兆祥同衛志豪拍攝期間扮晒嘢對顏生話「呢度唔俾fans入嚟0架」,煒哥即謂:「呢個係我老闆,亦都係我老公顏先生。」原來顏志行好鍾意入廚,煒哥笑言:「我都唔知佢正職做咩,只係知佢兼職做廚師。」問顏生究竟平時煒哥喺屋企係點?佢就話:「我太太平時喺屋企好賢慧嘅。」再問佢見到太太拍親熱戲時會否呷醋?顏生話:「佢好專入!」因為顏生廣東話唔正,專業講錯咗專入。其實早於喺高雄拍攝期間,顏志行都試過夜訪煒哥住嘅酒店,之後仲俾祥仔喺電台節目踢爆:「煒哥好攰,搞到三更半夜,因為有人嚟咗探佢。」煒哥就直認:「係呀,我屋企個老闆深宵到訪,只係瞓咗兩個鐘。」

《煒哥的味道》影片截圖 煒哥老公扮Fans亂入 煒哥急證明老公身份
兩位主持乘機八下平時煒哥人妻look係點 顏生係入廚高手,煒哥都笑佢兼職係廚師。
好sweet呢!
08年兩人低調成婚,只係喺兩位證婚人面前簽紙就禮成。 (資料圖片) 以前煒哥會高調晒恩愛 (資料圖片) 又例如咁… (資料圖片)
從前有影皆雙 (資料圖片) 近年兩公婆鮮有一齊出席活動,致頻傳婚變。 (資料圖片) 以下係…回顧索爆煒哥連環shot
瘦身廣告 (資料圖片) 呢張係攝於2001年,堅噴血。 (資料圖片) (壹本便利圖片) 加簽無綫7年,煒哥擺明博到盡
新劇仲同吳岱融黃翠如做對手戲。 (資料圖片)

來源 source: http://s.nextmedia.com
鍾意就快D Share啦!