掃呢頁CODE去手機

2016年10月25日 星期二

【獨家有片】撇陳瀅5個月 現身中環撐枱腳 猷亨輕拍新歡pat pat勁風騷 __,陳瀅,猷亨,

四房大仔猷亨同「新一代宅男女神」陳瀅早前密遊北海道過白色聖誕,而被爆戀情,猷亨更親認戀情護花兼「封盤」,話同陳瀅識咗好耐,當年喺外國讀書時係朋友介紹識,而佢哋拍拖四太梁安琪都開晒綠燈,點知佢哋相戀半年即分手,有傳陳瀅太黐身,令猷亨主動提分手,陳瀅更返加國探親兼散心,7月被爆「分訊」時,陳瀅都默認二人已分開,亦有指佢哋早喺5月已分手。話晒猷亨算係城中富二代筍盤,有豐厚百億身家賭王家族背景,喺倫敦大學 ...




其他影片:>>






四房大仔猷亨同「新一代宅男女神」陳瀅早前密遊北海道過白色聖誕,而被爆戀情,猷亨更親認戀情護花兼「封盤」,話同陳瀅識咗好耐,當年喺外國讀書時係朋友介紹識,而佢哋拍拖四太梁安琪都開晒綠燈,點知佢哋相戀半年即分手,有傳陳瀅太黐身,令猷亨主動提分手,陳瀅更返加國探親兼散心,7月被爆「分訊」時,陳瀅都默認二人已分開,亦有指佢哋早喺5月已分手。話晒猷亨算係城中富二代筍盤,有豐厚百億身家賭王家族背景,喺倫敦大學國王學院工商管理系畢業,o依家幫四太打理地產生意,條件優越,又點會冇女埋身,數數手指,佢同陳瀅已經分開咗幾個月,原來佢已經有「新目標」喇!上周六(24號)大約夜晚11點半左右,見到猷亨坐車去中環來佬餐館,猷亨似乎係熟客仔,入內即同經理及店員打招呼,一個人坐喺卡位撳電話,再過15分鐘,發現猷亨對面多咗一個長髮女伴,女伴身穿白色露肩一字膊衫配長褲,期間二人有講有笑,又一齊玩電話不知幾開心,猷亨更坐到半攤喺椅背,成程好relax,餐飯食咗個幾鐘,埋單後二人一齊行出嚟,話晒猷亨之前同過陳瀅拍拖,唔多唔少都提高咗警覺,一出門口,已經左望右望,睇吓有冇記者影佢,保母車亦夾好時間,猷亨出嚟唔夠20秒,保母車已泊咗喺門外,猷亨同長髮女伴即跳上車,喺上車前,手拎住電話嘅猷亨,輕輕拍咗女伴個pat pat一吓,架車跟手直駛去dragon-i後門。猷亨同女伴並冇落車,二人熄咗車,傾咗15分鐘,長髮女伴就落車沿住dragon-i出面條樓梯行落去,未知係唔係再去蒲,而猷亨就冇落車,座駕駛咗去大坑後,則不見蹤影。估唔到唔夠半年,猷亨咁快搵到新女,「筍盤」的確係唔同啲!

(攝影:梁繼光、朱志聰) 猷亨喺中環來佬餐館食嘢,原本得佢一個 隔咗陣,女伴現身喇!
食咗個幾鐘就走人 一出嚟警戒心好強 上車前,手拎住電話嘅猷亨,輕輕拍咗女伴個pat pat一吓
一齊上車 但長髮女伴自己一個閃人

來源 source: http://s.nextmedia.com
鍾意就快D Share啦!