掃呢頁CODE去手機

2016年10月1日 星期六

【最新圖片】明日擺酒筵開50席 楊怡現身酒店勁風騷 __,楊怡,

【短片】【最新圖片】明日擺酒筵開50席楊怡現身酒店勁風騷2016-10-0114:50:00HKT攝影:陳慧安楊怡同謙謙好勤力更新微博吐心聲。楊怡今日現身酒店,準備聽日結婚!(採訪、攝影:黃曉妍、陳慧安)羅仲謙和楊怡今年3月喺英國肯特郡利茲普城堡(LeedsCastle)舉行童話婚禮,聽日會喺香港麗思卡爾頓酒店筵開50席大宴親朋好友,今次婚宴主題係童話式古堡風,以盾牌做標誌,寓意互相支持作後盾,司 ...


【短片】【最新圖片】明日擺酒筵開50席 楊怡現身酒店勁風騷

2016-10-01 14:50:00 HKT



攝影:陳慧安



楊怡同謙謙好勤力更新微博吐心聲。





楊怡今日現身酒店,準備聽日結婚! (採訪、攝影:黃曉妍、陳慧安)











羅仲謙和楊怡今年3月喺英國肯特郡利茲普城堡(Leeds Castle)舉行童話婚禮,聽日會喺香港麗思卡爾頓酒店筵開50席大宴親朋好友,今次婚宴主題係童話式古堡風,以盾牌做標誌,寓意互相支持作後盾,司儀方面搵咗林盛斌幫手,兄弟團方面,聽講話有馬國明、吳卓羲、王浩信同單立文,姊妹團就係唐詩詠、馬賽、康華、張美妮,楊怡家姐楊卓娜當然一定到

今日下晝2點左右,楊怡喺助手嘅陪同下,坐住架7人車去咗酒店,為聽日婚禮做好準備,見到準新娘楊怡好鬼忙,酒店亦都有職員幫手搬上房,但係都感受到佢心情好靚又風騷,佢話:「嗰啲係婚禮要用嘅嘢,有啲係今晚上頭要用,媽咪晏啲會過嚟幫我上頭。」佢仲話會按照傳統習俗,謙謙今晚唔會過嚟酒店見面。

連日嚟謙謙同楊怡好勤力咁更新微博,今日楊怡喺微博貼新相,佢揀咗張同謙謙錫錫嘅相,留言話:「心跳有點兒加速了,是因為靠近了嗎⋯⋯倒數了....」佢仲貼咗幾個心型圖案兼tag埋羅仲謙添!

約3時,楊怡轉頭即折返酒店,全程邊行邊講電話,等lift上房時同傳媒揮手:「辛苦晒大家啦,聽日先講啦。」


鍾意就快D Share啦!