2016年10月24日 星期一

莊思敏:網上傳欠債5千萬 莊思敏發火話搵律師! __,莊思敏,

謠言止於智者嘅,Jacquelin唔好咁嬲豬啦。(資料圖片)藝人莊思敏(Jacquelin)今日喺網上炮轟有人誤傳佢欠債5000萬港元,仲話佢親口承認為還債陪瞓添!講到咁過分,唔嬲就假喇,話晒女仔嚟㗎嘛。Jacquelin留言:「喂,咩料呀。老作喎,告得喎。有條茂利周圍發畀人,佢得到嘅評論已經表達咗我嘅心聲啦。唔怪得近排咁多人問價啦,原來諗住俠義相助呀。」佢更重申:「我講一次,我無輪(冇輸)股票, ...


謠言止於智者嘅,Jacquelin唔好咁嬲豬啦。(資料圖片)

藝人莊思敏(Jacquelin)今日喺網上炮轟有人誤傳佢欠債5000萬港元,仲話佢親口承認為還債陪瞓添!講到咁過分,唔嬲就假喇,話晒女仔嚟㗎嘛。Jacquelin留言:「喂,咩料呀。老作喎,告得喎。有條茂利周圍發畀人,佢得到嘅評論已經表達咗我嘅心聲啦。唔怪得近排咁多人問價啦,原來諗住俠義相助呀。」佢更重申:「我講一次,我無輪(冇輸)股票,我無(冇)欠債,我唔會陪瞓,亂作嘢影響我名譽我就搵律師招呼你。」

唔少網民見到都留言力撐Jacquelin:「支持你,告佢」、「一睇就知亂作。」、「有無(冇)攪(搞)錯,離晒譜,告佢!」其實Jacquelin近年百足咁多爪,早前佢以六位數字入股點心店,生意仲愈嚟愈好,呢啲傳聞當然不攻自破


來源 source: http://hk.on.cc
鍾意就快D Share啦!
Related Posts Plugin for WordPress, Blogger...