掃呢頁CODE去手機

2016年10月26日 星期三

【獨家】「喺北京做三線歌手都賺得多過喺香港十倍」 側田6年後開腔:喺香港好孤獨 __,側田,

巫啟賢喺《蒙面唱將猜猜猜》(即《蒙面歌王》第二季)同側田講:「我覺得是香港的樂壇離棄了你」。就係呢句,連日來fb很熱鬧,一邊是網民痛心「香港冇樂壇,得娛樂圈」,一邊是質疑「香港人幾時有放棄過側田?」而2010年側田一篇封塵專訪,亦被挖出——訪問中側田說:「在北京當個三線歌手,肯定比我現在賺的多十倍。我不明白為甚麼還有人覺得香港市場重要。」考古時間。其實這段訪問,是當年為宣傳其演唱會而做,不過適逢側 ...




其他影片:>>






巫啟賢喺《蒙面唱將猜猜猜》 (即《蒙面歌王》第二季)同側田講:「我覺得是香港的樂壇離棄了你」。就係呢句,連日來fb很熱鬧,一邊是網民痛心「香港冇樂壇,得娛樂圈」,一邊是質疑「香港人幾時有放棄過側田?」而2010年側田一篇封塵專訪,亦被挖出——訪問中側田說:「在北京當個三線歌手,肯定比我現在賺的多十倍。我不明白為甚麼還有人覺得香港市場重要。」考古時間。其實這段訪問,是當年為宣傳其演唱會而做,不過適逢側田當時受緋聞影響,似乎令其心灰意冷,加上當時樂壇不景氣,令側田想到離開香港;他還在訪問中大呻表面風光、在香港收入不穩:「賺錢靠跑廣東省,唱兩首歌等於一個紅館騷的價錢。」不過最大問題都係喺創作方面:「寫歌,我也被洗腦了,只跟着方程式創作,派台歌首首都似《命硬》,如果你沒有聽其他的side track,一定以為我只得一道板斧。」難怪當時有人說側田「口氣大」。六年前高調嗌走,三年前低調返港,最近因為參加咗《蒙面歌王》第二季,才又令大家記得:係喎,側田喎,《命硬》嗰個。側田昨日接受《蘋果》電話訪問,重提當年決定去北京,最大原因係為咗愛情,因為女友當時在北京;而且側田好怕一個人:「因為喺香港好孤獨,覺得做完嘢返屋企,困住喺四堵牆,感覺好難受,試過喺錄音室要睇鐘睇錶等放工,我最緊要係做到自己滿意音樂,但嗰陣時真係可能好多其他因素,令到我嘅靈感冇晒,冇咗嗰種feel,唔開心係呢樣嘢,所以要離開一陣透吓氣,所以去咗北京。」對於網友幫側田翻舊帳,攞番佢之前講過放棄香港市場嘅言論抨擊,側田表示:「其實我做人呢,所有決定都係自己選擇嘅,嗰時離開香港係自己選擇,唔關任何人嘅事。」「冇話故意去深詣音樂,主要係個人成長咗,識咗好多新朋友,好似由零開始,個人成熟咗,寫嘅嘢做嘅音樂自然唔同,我覺得呢樣算係深詣。」自信仍在。潛心寫歌的側田,下個月將plug第一首歌:「畀大家聽吓我新一面嘅音樂風格,重點我係堅持做廣東歌。」側田真係返咗嚟喇。

側田早前上咗《蒙面唱將猜猜猜》 巫啟賢同側田講:「我覺得是香港的樂壇離棄了你。」
網民搵返側田2010年嘅專訪

來源 source: http://s.nextmedia.com
鍾意就快D Share啦!