網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年10月15日 星期六

【產前玩直播】陳琪兩個囡囡勁萌! __,陳琪,

兩個囡囡真係萌到冇朋友。陳琪同胡諾言成功添丁,真係可喜可賀。而喺陳琪入產房之前,佢就素顏同兩個囡囡玩直播。原本以為直播嘅主角係陳琪,但係估唔到最後變成兩個囡囡,雖然佢哋講啲嘢好「意識流」,又好似九唔搭八咁,但唔知點解就係睇得人好開心,唔少睇直播嘅網民,都對陳琪同胡仔嘅囡囡評價好高。問網民食唔食提子乾條片一開始,先入鏡嘅係陳琪同大女芷苓,細女芷悠雖然冇入鏡,但一嚟就聽到佢喺度扭計話:「我冇櫈坐呀!」 ...


兩個囡囡真係萌到冇朋友。

陳琪同胡諾言成功添丁,真係可喜可賀。而喺陳琪入產房之前,佢就素顏同兩個囡囡玩直播。原本以為直播嘅主角係陳琪,但係估唔到最後變成兩個囡囡,雖然佢哋講啲嘢好「意識流」,又好似九唔搭八咁,但唔知點解就係睇得人好開心,唔少睇直播嘅網民,都對陳琪同胡仔嘅囡囡評價好高。

問網民食唔食提子乾

條片一開始,先入鏡嘅係陳琪同大女芷苓,細女芷悠雖然冇入鏡,但一嚟就聽到佢喺度扭計話:「我冇櫈坐呀!」之後,佢哋齊齊宣布細佬出世,但兩個囡囡就無端端話自己食緊提子乾,問網民食唔食之餘,又大爆細佬個名叫Jayden,搞到陳琪都忍唔住笑。

Picnic變劈味

芷苓仲好似先知咁,「預言」細佬出世後似邊個,佢話:「我哋一陣等佢出世後,話畀你哋知個樣係點呀!佢眼睛會似爹哋媽咪,頭髮會似我...(下刪一千字)其實我今日冇返學,因為今日學校放假,因為尋日去咗『劈味』(PICNIC)。」之後,陳琪大爆細囡化咗妝,呢個時候,細囡即嘟長個嘴仔,仲問大家佢靚唔靚,個樣又怕怕醜醜、搞搞笑笑咁,真係可愛到暈。

大囡好飄忽

玩玩吓直播,大囡突然大叫一聲:「老夫子」,跟住就講咗句:「我要睇電視」。陳琪就幫佢同網民講再見啦,點知呢個時候大囡就唱反調話「我唔要走」,仲話:「我要自己揸住部電話。」當手機落入大女手上之後,佢就開始發揮搞笑同自戀潛能,佢話:「要咁近(影)佢哋先知我(係邊個),我就嚟換牙喇。嘩!有人好鍾意我呀!如果邊個有心心,佢就好乖,有藍色嘅GOOD字,佢都好乖,真係好好呀!有人話我哋好靚,多謝呀!有人好乖,有人好鍾意我,我都好鍾意佢!。」呢個時候,陳琪要求拎番部電話,但大囡竟然大叫一句:「我唔制呀!」相當搞笑!但係神經刀嘅佢,最後講完希望細佬乖啲之後,就話要去睇卡通片唔講住。

第三胎依然緊張

呢個時候,陳琪終於可以講番句認真說話:「我有啲緊張,以為第三胎唔緊張,呃人嘅。尋晚都唔係瞓得好好,我好期待,希望細佬健康開心。」呢個時候,大囡又回歸,仲拋下爭寵宣言:「仲有我,你都要錫埋我!」又話唔准媽咪講探bb,要講醫院張床有幾舒服,搞到陳琪忍唔住開心甜笑。唔好話陳琪,連未做媽咪嘅小編,都畀佢兩個囡囡氹到笑咗好幾次呀!


來源 source: http://hk.on.cc
鍾意就快D Share啦!