網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年10月12日 星期三

中國體壇:【國足生死戰】門將陀衰家 衰齊黃‧賭‧毒! __,

國足要保住世界盃,今晚絕對唔可以輸!中國隊依家踢緊世界盃亞洲區12強賽,之前3場A組賽事,只係取得1分,最令人失望嘅係上仗對叙利亞,主場竟然輸0:1,門將顧超無啦啦出迎撲空,畀對手射入空門,畀人笑到面都黃,賽後被國內球迷鏟到上天花板。睇顧超派膠,即上SO東波:http://bit.ly/2dNmrnp 自02年打入世界盃決賽後,國足於國際舞台上冇齣好戲,搞到國內球迷勁灰,大家都搞唔清一個問題,點解 ...


國足要保住世界盃,今晚絕對唔可以輸!中國隊依家踢緊世界盃亞洲區12強賽,之前3場A組賽事,只係取得1分,最令人失望嘅係上仗對叙利亞,主場竟然輸0:1,門將顧超無啦啦出迎撲空,畀對手射入空門,畀人笑到面都黃,賽後被國內球迷鏟到上天花板。

睇顧超派膠,即上SO東波:http://bit.ly/2dNmrnp 

自02年打入世界盃決賽後,國足於國際舞台上冇齣好戲,搞到國內球迷勁灰,大家都搞唔清一個問題,點解全國13億人,都出唔到一支可以見得人嘅代表隊?以下一個國足門將「黃賭毒」故事,可能畀到大家答案。

江津---衰「賭」!

查實國足於日韓世界盃期間,曾經出現3個好門將,但好衰唔衰,最後都輸畀「黃賭毒」。於02年世界盃為中國把守大門嘅江津,外表老實可靠,於決賽周對巴西時,更2度撲出大哨朗拿度嘅射門。但去到12年中國球壇大舉肅清假波罪行時,江津竟然斷正,犯上非國家工作人員受賄罪而判刑5年半,被沒收個人財產50萬人仔,到15年先至獲釋。

安琦---衰「黃」!

02年世界盃,安琦做江津嘅後備,但呢個後生仔於外圍賽中表現一流,絕對係國足打入決賽周嘅功臣,唔少球迷都憧憬,佢係未來10年國家隊嘅中流柢柱。不過安琦就衰鹹濕,05年同教練去夜總會,仲要帶小姐出街,入到房後小姐趁安琦沖涼報警。安琦被帶返差館,雖然冇證據話佢嫖妓,但球迷已認定佢係嫖客。安琦自此狀態插水,再未能重返高峰。

劉雲飛---衰「毒」!

雖然冇踢過世界盃,不過喺02年,劉雲飛於國內聯賽僅失19球,力壓江津當選最佳門將,就知佢有料到。04年亞洲盃4強,中國激戰伊朗,全靠劉雲飛12碼神救,帶領國足殺入決賽,簡直係國家英雄。但劉雲飛不知自愛染上毒癮,轉會申花之後竟然被捉到吸毒,而被球會停訓停薪,最後離開埋球壇。

國足大把問題,從國家青訓、用人、選帥都勁多麻煩,而球員個人性格質素,亦每每未如人意。中國隊今次要征戰世界盃,堅唔樂觀。

世界盃亞洲區12強賽A組成績(截至11/10下午4時)

球隊 勝 和 負 得球 失球 分數

伊朗 3 2 1 0 3 0 7

南韓 3 2 1 0 6 4 7

烏茲別克 3 2 0 1 2 1 6

敘利亞 3 1 1 1 1 1 4

中國 3 0 1 2 2 4 1

卡塔爾 3 0 0 3 2 6 0

SO東波同你追實體壇每個精彩時刻! 

http://on.fb.me/1PWMCFH 

想撐本地波?即Like我撐本地波Facebook專頁

http://bit.ly/1Wm3E4Q 


來源 source: http://hk.on.cc
鍾意就快D Share啦!