網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年10月28日 星期五

【獨家有片】情侶車斷正 麥明詩揸男友車 買定外賣等林作開餐 __,麥明詩,林作,

早前,「十優港姐」麥明詩突然喊爆自稱分手,而林作出席活動被問及分手一事,又同麥明詩劃清界線嘅林作話大家一直係朋友,從來冇講過係男女朋友關係,麥明詩喺另一個活動亦話自己唔係好睇呢啲新聞,費事影響自己心情,睇嚟呢段感情凍過水。點知喺中秋節正日,麥明詩俾本報撞破佢同林作屋企人喺中環食飯團圓,甚至又有傳佢哋去買戒指,戀情極速翻撻,關係欲斷難斷。(新聞連結:http://bit.ly/2dOrG60)不過紙 ...




其他影片:>>






早前,「十優港姐」麥明詩突然喊爆自稱分手,而林作出席活動被問及分手一事,又同麥明詩劃清界線嘅林作話大家一直係朋友,從來冇講過係男女朋友關係,麥明詩喺另一個活動亦話自己唔係好睇呢啲新聞,費事影響自己心情,睇嚟呢段感情凍過水。點知喺中秋節正日,麥明詩俾本報撞破佢同林作屋企人喺中環食飯團圓,甚至又有傳佢哋去買戒指,戀情極速翻撻,關係欲斷難斷。(新聞連結:http://bit.ly/2dOrG60)不過紙又點會包得住火,疑似轉做地下情嘅佢哋,噚日就讀者周先生透過本報「爆相爆片」踢爆,前日夜晚11點半左右喺紅磡德民街見到佢哋兩個短敍。周先生話:「嗰陣見到麥明詩揸住架白色車,泊低咗架車之後,自己一個人行咗去內街,不過冇耐又見佢上番去架車,隔咗一陣見到林作揸住架紅色車,不過佢唔係第一時間泊低架車,反而兜咗一個圈之後,先將架車泊喺女友架車側邊。」周先生仲話跟住林作上咗麥明詩架車,原來麥明詩一早買咗嘢食,諗住同男友齊齊嘆:「本來林作都好避忌,成日見到佢周圍望,仲全程好似好避忌,不過上咗麥明詩架車之後,態度明顯放鬆咗,大家有傾有講,食咗半個鐘左右,大家揸番自己架車走人。」查實喺今年7月麥明詩同佢哥哥夾份買咗一部價值約70萬Tesla新車,好多時候都見到佢揸住架車開工,甚至喺上個禮拜天文台發出黑雨警告當日,麥明詩喺Ig上載咗條片,睇見佢好狼狽咁著住拖鞋澗水行去揸走架Tesla,點知過咗一個禮拜,麥明詩變咗揸住白色嘅ALFA ROMEO,雖然同林作嗰㗎紅色ALFA ROMEO屬一個車廠,不過價錢相差一截。而根據車輛登記資料顯示,原來麥明詩嗰晚揸住嗰架白色車,登記車主係林作,地址係麥當勞道,似乎一切盡在不言中。事後分別向兩人求證,麥明詩話:「唔回應嘞,日常生活瑣碎事唔同大家交代,專心工作。」林作亦都話唔回應!+另一方面,麥明詩嘅緋聞男友何浩文(Dominic)喺ig貼同女友去台灣慶祝生日嘅相,唔知係咪想示威?Dominic透過whatsapp回覆:「被撞到孖住出嚟呀,哎吔,咁唔小心呀。示威,我唔做呢啲嘢,示威留番啲人上街做,我喺台灣冇得示威,我唔係呢度人,我係香港人,喺台灣冇得示威。」有啲酸味!

(相片由讀者周先生提供) 噚日就讀者周先生喺紅磡德民街見到林作上咗麥明詩架白色車(相片由讀者周先生提供 而呢兩架ALFA ROMEO都係林作名下
麥明詩又點解揸呢架林作嘅白色ALFA ROMEO呢?答案呼之欲出 明明麥明詩自己有架Tesla (資料圖片) 林作都有post過呢架紅色ALFA ROMEO (資料圖片)

來源 source: http://s.nextmedia.com
鍾意就快D Share啦!