關詠荷（中）聽到青雲同郭藹明（右）一齊開公司，就話唔使，叫張家輝遺囑寫佢名就得喇！
藝人關詠荷在鑽石山荷李活廣場出席慈善活動，關詠荷最近覺得眼睛易攰，檢查發現原來一直有遠視問題，她笑說：「以前啲攝影師都問我做乜皺住眉，又黑口黑面，原來因為有遠視睇嘢不自覺用力，影響咗我嘅形象，依家戴眼鏡睇嘢舒服咗好多，寬容咗好多，哈哈。」關詠荷表示暫時沒有老化，眼睛還Keep得Ok。
寧要遺囑不要公司
關詠荷為了湊女減少工作，不過有合適工作也希望做，她笑說：「做嘢個人靈活啲，唔會有腦退化症。」問到會否叫老公張家輝開公司力捧她？關詠荷說：「唔好喇，一陣蝕晒啲錢，佢又好似做得幾好，佢做得啦。（好似劉青雲同郭藹明一齊開公司？）唔使啦，公司有負擔，佢呃鬼郭藹明呀，有咩風險咁點，叫張家輝寫遺囑得喇，公司就唔使寫我名，世事好難講嘅。（你都掌握佢嘅財政？）唔係，佢自己處理，叫佢寫張平安紙畀我得喇，不過，我諗佢會寫個女個名囉。」
一啖Ssss一啖砂糖
雖然這邊廂關詠荷略有醋意，不過當問到張家輝有沒有送過大禮，關詠荷即謂：「佢個人已經係一份大禮，邊有男人咁勤力去工作，又唔會搞其他嘢，佢又冇乜其他嗜好，淨係鍾意係創作，平時喺屋企都係好勤力咁寫劇本。（會唔會覺得張家輝冷落咗你？）早期佢搏殺階段都有，不過依家寫劇本就好好多，佢思想唔喺度啫，個人都喺屋企。」
來源 source: http://hk.on.cc
|
鍾意就快D Share啦！
|
|
|