掃呢頁CODE去手機

2016年10月24日 星期一

黃翠如激罕性感 生日賣「壽包」 __,翠如,黃翠如,

馬場昨日舉行東方表行55週年沙田錦標「時尚煲呔賽馬日」。黃翠如和羅仲謙昨日在沙田馬場出席東方表行55週年沙田錦標「時尚煲呔賽馬日」,與東方表行集團一眾高層,包括主席楊明標博士伉儷、董事總經理楊衍傑伉儷、執行董事蔡國欽、馮廣耀和林慶麟等,齊擔任主禮嘉賓,見證這項城中盛事。向來守身如玉的翠如趁昨日35歲生日,於男友蕭正楠不知情下,以超激低胸裝亮相,手上佩戴價值179萬元伯爵鑽錶,仙氣加貴氣,令人眼前一 ...


馬場昨日舉行東方表行55週年沙田錦標「時尚煲呔賽馬日」。

黃翠如和羅仲謙昨日在沙田馬場出席東方表行55週年沙田錦標「時尚煲呔賽馬日」,與東方表行集團一眾高層,包括主席楊明標博士伉儷、董事總經理楊衍傑伉儷、執行董事蔡國欽、馮廣耀和林慶麟等,齊擔任主禮嘉賓,見證這項城中盛事。向來守身如玉的翠如趁昨日35歲生日,於男友蕭正楠不知情下,以超激低胸裝亮相,手上佩戴價值179萬元伯爵鑽錶,仙氣加貴氣,令人眼前一亮,被笑指生日賣「壽包」?她解釋是朋友給她送大禮:「有個由細識到大嘅設計師朋友話會送份禮物畀我,嚟到10分鐘就見到條裙,之前冇試過,設計師同我講係兄弟就着咗佢,其實個設計師之前台慶都幫我做過衫,所以都好放心,但係設計師都知我不嬲唔係行性感路線,估唔到生日搞啲咁嘅嘢,生日就着一次,之後冇」

拒性感見男友

問她有否影相給男友看?翠如說:「冇,公司咁多嘢睇,冇時間睇我。(生日點慶祝?)劇組特登度假期畀我,今晚同屋企人食飯,男友都喺度,返嚟見吓大佬(男友),最開心係尋日見到曹永廉拎獎。」而蕭正楠前晚在新加坡出席《星和無綫電視大獎2016》頒獎禮得獎後,在台上祝女友生日快樂,之後再在網上傳情:「我努力工作就是想為你準備生日禮物!今天我拿到了。」他送上「我最愛TVB電視男角色獎」給女友,但似乎覺得送獎給女友還不夠,再在自己Instagram上載翠如的雀斑妝相,公開示愛:「生日快樂、我愛雀斑、快高長大。」真係Sweet到暈!對於蕭正楠「愛的告白」,翠如感到甜絲絲,但以感冒為由,表明不會讓男友看其性感裝束,蕭正楠冇眼福了!

努力賺奶粉錢

現場的羅仲謙甫看到翠如即搞笑地瞪大眼睛,「嘩」了一聲,後知反應過激,即推說是搞氣氛,自言乜都冇睇。早前有傳太太楊怡懷孕,他說:「以我所知,我只係努力中,好坦白,結咗婚有小朋友好正常,唔係報道所講。(唔講得怕小器?)唔係,聽日都要返大陸做嘢。(返大陸前造人?)努力中,唔係日日都要造嘅,隨緣,努力做嘢搵錢為家庭。(講到生B秘技?)聽過人哋講話有啲食療影響生仔定女,第一胎想生女,最緊要健康,聽過醫生講有啲食療方法,但未問人,冇時間睇,喺大陸留多一個月,返港先慢慢睇。(度蜜月時造人會快啲有BB?)聽人講係。」

羅仲謙透露楊怡這年來調理好身體,暗示隨時準備做得媽咪,但他自己反而休息不足。現場羅仲謙獲大會送贈價值21萬8千元的H.Moser & Cie.腕錶,他乘機冧老婆說:「未結婚前諗住買手錶畀自己,依家唔想買畀自己,想買畀太太,預咗六位數。」而翠如亦表示會買錶畀自己,但不想男友送錶,原來是想要驚喜禮物,蕭正楠收到未?

莊思明拒獎勵楊明

藝人莊思明、沈卓盈、周美欣、歌手龐景峰及「M超跑會」主席馬仁威夫婦昨日現身馬場活動,楊洛婷擔任大會司儀。

思明的男友楊明前日在「星和無綫電視大獎2016」中獲得飛躍進步男藝人獎,問為何沒飛到新加坡撐場?她解釋:「因為要做嘢,我跟住佢去,怕阻住佢。(有打畀你報喜?)佢冇乜時間用電話,我當時已經知,有send短訊畀佢,點解我會知?因為已經有人同我講咗,呢個世界係冇秘密,Instagram都睇到,佢今晚就返嚟。(點獎勵佢?)唔使我獎勵。(你好旺佢?)要問番佢!」提到楊明在台上公開多謝「某人」,明顯是指女友,思明笑言:「某人啫,未必係我,好多人喺佢低潮時撈起過佢、幫過佢。(要男友再公開多謝你?)唔使在心中。」

「性格唔夾」江若琳甩拖首蒲頭

歌手江若琳、泳兒及衛詩雅昨日為「時尚煲呔賽馬日」的時裝匯演擔任模特兒,江若琳身穿設計師張永康以蝴蝶結為主題的高級晚裝,手上佩戴價值168萬元的鑽石手錶。早前她於生日時在網上宣布與拍拖半年的內地相聲演員曹雲金分手,回復單身後首次亮相,她透露:「性格好重要,有啲嘢夾唔到,依家隨緣。(因了解而分手?)都算係。(和平分手?)係。」她坦言目前抱平常心,享受單身。

行騷經驗不多的泳兒及衛詩雅坦言非常緊張,大騷事業線的泳兒透露,已刻意要求將胸口位置改高幾吋。衛詩雅笑說:「設計師叫我谷吓胸,唔好咁密實。」至於打煲呔現身的陳柏宇勇奪「最佳衣着大獎」,獲大會送贈價值20萬1千元的FRANCK MULLER Conquistador手錶,坦言很開心!同場還有蘇志威與劉小慧。

葉蘊儀呻搞藝術難搵食

藝人葉蘊儀昨日現身賽馬活動,並負責設計帽飾,由名模Ana R.、「九巴後人」雷怡暉及時尚名人許慧莊親身演繹,葉蘊儀表示大會以煲呔為主題,故在帽飾設計上加入不少蝴蝶形裝飾,熱衷藝術的她認為帽飾也是藝術,至於一對子女是否同樣愛好藝術?她直言子女有學畫畫,但並非從事藝術工作:「做藝術生存唔到,我做藝術都要做幾十瓣,先可以維生,而且香港生活指數唔低,做藝術唔係咁方便。(會叫佢哋繼承你嘅藝術工作室?)冇咁諗, 等佢哋自己揀。」

至於Ana大讚帽飾好靚又易佩戴,她透露囡囡已11個月大,老公有意幫囡囡剪髮,但遭她制止:「我想等個女大啲,由佢自己決定點剪。囡囡就快生日,我哋會燒嘢食,搞兩個唔同派對。」


來源 source: http://hk.on.cc
鍾意就快D Share啦!