網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年10月15日 星期六

網民熱話:【鍾意佢夠賤格】網民熱捧高天鷲金句 __,

好有戲呀!無綫劇《巨輪II》日前上演亂倫戲份,陳凱琳飾演嘅高伊娜慘遭養父高天鷲(吳岱融飾)企圖強姦,令《巨輪II》成近日熱討話題,唔少網民都大讚吳岱融演技精湛,話薑始終係愈老愈辣,就連男主角羅威信(蕭正楠飾)都畀佢搶晒風頭。個個追劇都係為咗睇吳岱融劇入面奸到出汁嘅樣,仲聲稱落重注買佢攞硬「最佳男配角」。吳岱融入行至今其實演過唔少角色,不過直至喺《巨輪II》入面演反派,人氣先至十級跳急升。近日又播出 ...




其他影片:>>






好有戲呀!

無綫劇《巨輪II》日前上演亂倫戲份,陳凱琳飾演嘅高伊娜慘遭養父高天鷲(吳岱融飾)企圖強姦,令《巨輪II》成近日熱討話題,唔少網民都大讚吳岱融演技精湛,話薑始終係愈老愈辣,就連男主角羅威信(蕭正楠飾)都畀佢搶晒風頭。個個追劇都係為咗睇吳岱融劇入面奸到出汁嘅樣,仲聲稱落重注買佢攞硬「最佳男配角」。

吳岱融入行至今其實演過唔少角色,不過直至喺《巨輪II》入面演反派,人氣先至十級跳急升。近日又播出咗一幕令網民睇完拍案叫絕嘅戲份,話吳岱融完完全全演繹出賤格嘅一面。

兩分鐘戲掀熱討

劇情講述同養子高先柏(張致恒飾)嘅女友鍾穎(李佳芯飾)有染,為咗阻止醜聞外洩,佢恐嚇大住肚嘅李佳芯,要佢即刻去落仔同離開張致恒。短短兩分鐘劇情,李佳芯畀佢直斥三次係雞,唔單只係咁,仲硬食咗吳岱融狠狠嘅一巴掌,又畀對方攞錢掟,受到極大侮辱。網民笑言睇到佳芯BB被掟錢一幕都覺得痛,但又話有咁多錢做醫藥費,打多幾巴都值。

就連吳岱融嘅金句,好似「我同你one night stand,你估fall in love呀?」、「成個地球都知你係乜呀,臭雞」、「雞即係雞,根本你都唔識做人」、「你肯為錢同人上床,即係你做過幾多次援交冇人知道」等,亦令網民嘆為觀止,大讚佢做奸角做到好型,更有人話套劇有先見之明,呼應到前排好HIT嘅洗腦歌《全部都係雞》咁話。不過凡事都有正反兩面,有人鍾意睇,都有人唔鍾意,有網民就鬧爆啲對白太過侮辱女性。

網民有話兒

ChXX KXX: 高天鷲你小心D,過一個鐘我就用卓宜中律師身份向你提出檢控。

AXXy MXk :做奸角都可以做到咁型。

DaXXd ChXXng:睇嚟花生仔變左(咗)配角,而鷲哥就係主角!因為鷲哥個角色做得太出色喇。

KiXXsley NX :入型入格,老戲骨真係老戲骨

ChiXXh ChXX :呢位演員幾好戲,早幾日舉起自己個女衝入房嗰(個)動作都唔容易做

RXXky FXXg :雞 全部都係雞 全部都係雞………

「佢應該係最佳男主角 成套戲佢CARRY晒 羅威信似配角多D」

「好記得呢句:我愛你,所以先想攪你,so_what?」

「呢D咪係好戲之人囉 做得又唔會過火」

「老戲骨!真好睇!」

「 鷲哥好正啊」

「 吳生,正到暈」

「無可否認,佢真是帶動到套戲,要賤夠賤,要淫夠淫,好到位,收放自如」

「其實吳岱融係靚過晒及、有型過這劇中所有男藝員!」

「佢真係好鬼好戲 好入型入格」

「好有霸氣」

「好掂!好掂!」


來源 source: http://hk.on.cc
鍾意就快D Share啦!