好彩蕭正楠唔係真係食蟲，係食蟲草啫！講真黃翠如（圈圖）點捨得男朋友食蟲呀～
藝人蕭正楠（Edwin)、陳凱琳（Grace)、湯洛雯及姜大偉等，於觀塘出席無綫新劇《翻生武林》煞科飯局。早前拍到過勞「生蛇」的Edwin被問及病況，他透露目前已經康復，結焦位置亦已脫落。問到他有否獲女友黃翠如煲湯補身？Edwin搞笑爆出被對方逼食「蟲」：「佢有煲靈芝茶，又焗蟲草茶，仲逼我食埋條蟲草，成條蟲咁嘅樣。佢整畀我食，我肯食都係愛的表現！」劇接劇的Edwin笑言所拍的劇集相繼播出，出現「自己打自己」的情況都未驚過：「《巨輪》、《巾幗梟雄之諜血長天》都播出，尋晚我亦為《幕後玩家》拍完宣傳片，（自己打自己有壓力？）冇，多啲工作好！」
踢爆嘉穎隨傳隨到
至於Grace就透露於劇中與湯洛雯為了爭奪Edwin而大打出手，但私下與對方好老友。Edwin聞言笑說：「佢地拍戲就黐住我，一停機就冇人理我！」問到Grace日前稱因演技被批評而不開心，事後有否獲男友鄭嘉穎安慰？她即冧爆稱獲對方指點演技：「有，我哋收工去食飯同睇《巨輪》，佢讚我淡定咗同有提點我。我欣賞佢唔會因為想我開心而淨係講好嘢。（鍾意畀佢鬧？）鍾意佢提點我。」Edwin又笑指Grace與嘉穎sweet到爆，更稱嘉穎「有call就到」：「我哋拍攝期間Grace生日，佢男友帶佢去食飯又車佢返嚟開工，佢男友話call我（翠如冇探班？）有，但有時我行咗去另一邊拍嘢會見佢唔到。」
來源 source: http://hk.on.cc
|
鍾意就快D Share啦！
|
|
|