掃呢頁CODE去手機

2016年10月11日 星期二

【獨家有片】罕見家庭聚會 元華陪長髮女大坑溫馨嘆麵 __,元華,

【獨家有片】罕見家庭聚會元華陪長髮女大坑溫馨嘆麵18,206建立時間(HKT):101100:00#video_player{width:100%;height:100%;}適中字型較大字型喺鏡頭前經常大晒真‧功夫嘅元華,查實喺鏡頭後係一個好老公兼好爸爸,喺1992年為咗啲屋企人移民加拿大,嗰陣華嫂主力照顧一對囝女,華哥負責拍戲賺錢,放假就返去陪佢哋。到咗啲仔女出晒身,華嫂陪華哥周圍去開工拍劇,稱 ...


【獨家有片】罕見家庭聚會 元華陪長髮女大坑溫馨嘆麵

18,206
建立時間 (HKT): 1011 00:00

喺鏡頭前經常大晒真‧功夫嘅元華,查實喺鏡頭後係一個好老公兼好爸爸,喺1992年為咗啲屋企人移民加拿大,嗰陣華嫂主力照顧一對囝女,華哥負責拍戲賺錢,放假就返去陪佢哋。到咗啲仔女出晒身,華嫂陪華哥周圍去開工拍劇,稱得上係圈中嘅模範夫婦。一向低調處理家事嘅華哥,淨係喺好多年前接受鄭丹端嘅訪問,承認自己做咗外父,喺阿女出嫁嗰日有觸景傷情,忍唔住喊咗出嚟,跟住好少再講家事。前晚喺大坑畀《蘋果》見到華哥同華嫂,同行仲一個女仔兼一個外籍男,佢哋一行四人去咗食拉麵,睇見個女仔同華哥個樣有幾分相似,唔知呢個係華哥嘅囡囡同女婿呢?佢哋幾個好似有講唔完嘅話題,見到呢個疑似囡囡仲教外籍男點揸筷子食麵,華哥三扒兩撥就搞掂碗麵,成個感覺好溫馨。唔知係咪門口有好多人等位,佢哋食飽飽之後,即刻起身走人,畀錢呢個重任交俾華嫂負責,跟住佢哋一行4人慢慢行去拎車,沿途華哥同疑似女婿仲好好傾,最後佢仲做埋柴可夫,送大家返屋企。噚日《蘋果》打過俾華哥,諗住問吓囡囡近況,不過華哥話:「嗰個唔係我個女,係我侄女同佢未婚夫,佢哋喺美國嚟香港玩。」

攝影:徐錦池、畢紹基 先見元華兩公婆喺大坑食嘢 同行有一個女仔兼一個外籍男
華哥三扒兩撥就搞掂碗麵 佢哋食飽飽之後,即刻起身走人 畀錢呢個重任交俾華嫂負責
佢哋企定定喺門口等 之後同車離開 元華好有風度,望住大家上晒車,佢先上司機位

來源 source: http://s.nextmedia.com
鍾意就快D Share啦!