2016年10月31日 星期一

【獨家】親暱攬腰情侶裝去哈佬喂 猷君十指緊扣拖實袁紫僑@少女標本 __,猷君,

今日就係萬聖節,相信今年會見到一街都小丑女,就連何家四房公子猷君同少女標本嘅袁紫僑CoCo,都一齊扮小丑同小丑女,兩個喺萬聖節就扮情侶角色,仲要一齊貼相上IG,會唔會宣佈拍拖呢?《蘋果》問過猷君,佢Whatsapp回覆話:「神經病,哈囉喂服裝party比賽拿獎的。」口裡說「神經病」,咁身體呢?前晚有讀者爆相爆片,影到猷君同CoCo一齊去到海洋公園玩,見到猷君同CoCo全程都拖住手,仲要係十指緊扣, ...




其他影片:>>






今日就係萬聖節,相信今年會見到一街都小丑女,就連何家四房公子猷君同少女標本嘅袁紫僑CoCo,都一齊扮小丑同小丑女,兩個喺萬聖節就扮情侶角色,仲要一齊貼相上IG,會唔會宣佈拍拖呢?《蘋果》問過猷君,佢Whatsapp回覆話:「神經病,哈囉喂服裝party比賽拿獎的。」口裡說「神經病」,咁身體呢?前晚有讀者爆相爆片,影到猷君同CoCo一齊去到海洋公園玩,見到猷君同CoCo全程都拖住手,仲要係十指緊扣,女方又會搭住男方嘅膞頭,男方又伸手攬住女方條腰,仲要係伸手入去外套入面咁攬。讀者黃小姐指:「見到佢哋一行6人,睇落就好似3對情侶,我有朋友仲見到佢哋嘴對嘴鍚,我就見到個女仔鍚落猷君塊面。」《蘋果》聯絡CoCo,問到佢同猷君咩關係,佢就好斬釘截鐵咁話:「呢件事我唔講,冇乜嘢可以講。」佢又指同猷君都識咗好耐,講到有讀者《爆相爆片》影到佢,佢就話:「佢鍾意爆咪爆囉。」記者再問到佢個金髮係真髮定假髮,佢就話唔記得,問到點解會萬聖節一齊出嚟玩,佢就話:「哎呀,你唔好問我啦。(問多兩句吖?)你問咗五句啦,哎呀算啦。」再問到有冇發展空間,佢就話:「唔知呢!(咁即係有空間啦?)唔係啊,我唔想唔想唔想唔想唔想答呢啲問題。」睇嚟真係好唔想,所以講咗5次。而問何猷君係咪去海洋公園拍拖?佢冇正面回應,只係話:「嗰日係同一大班朋友去玩。」

呢啲行為,多數係睇情侶做(相片由讀者黃小姐提供) 拖到實一實喎(相片由讀者黃小姐提供) (相片由讀者黃小姐提供)
冇放過手(相片由讀者黃小姐提供) 攬晒腰,仲要係伸入外套入面攬(相片由讀者黃小姐提供) (相片由讀者黃小姐提供)
Coco望住猷君個眼神(相片由讀者黃小姐提供) (相片由讀者黃小姐提供) 兩個都有喺IG貼相,多數情侶都會咁樣貼

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...