掃呢頁CODE去手機

2016年10月7日 星期五

王君馨:【結婚條件係…】王君馨要男友為愛犧牲 __,君馨,王君馨,

王君馨話要結婚同一齊生活,首先係要男友喺香港有份穩定工作!藝人王君馨(Grace)出席東方表行55周年沙田錦標「時尚煲呔賽馬日」媒體發布會。她身穿低胸白色連身裙亮相,問到平時會否幫男友Daniel打煲呔?她透露男友不打煲呔,打領呔為主:「少幫佢打,佢自己打,佢喺美國返工嘛。(唔係喺香港搵工咩?)仲搵緊,我唔想畀壓力佢,希望佢搵到一份自己鍾意嘅工,始終香港環境、文化同美國唔同。」並謂男友得知其拍劇辛 ...




其他影片:>>






王君馨話要結婚同一齊生活,首先係要男友喺香港有份穩定工作!

藝人王君馨(Grace)出席東方表行55周年沙田錦標「時尚煲呔賽馬日」媒體發布會。她身穿低胸白色連身裙亮相,問到平時會否幫男友Daniel打煲呔?她透露男友不打煲呔,打領呔為主:「少幫佢打,佢自己打,佢喺美國返工嘛。(唔係喺香港搵工咩?)仲搵緊,我唔想畀壓力佢,希望佢搵到一份自己鍾意嘅工,始終香港環境、文化同美國唔同。」並謂男友得知其拍劇辛苦:「我病咗3至4次,以前一年病一次,好少病,佢見我捱更抵夜都問我有乜可以幫到我,我話見到你就好啲㗎喇。」

想男友快啲走

她表示男友需在香港找到工作才會長留在港:「佢喺嗰邊係做銀行,可能語言問題,未(喺香港)搵到一份好有發揮及成長嘅工作。」他又謂對方暫未辭退在美國的工作,現在差不多要由香港返回美國,君馨謂:「我開劇喇嘛。(唔係仲要佢喺度支持咩?)我想佢快啲走,我集中唔到讀劇本,咁大家一年見兩、三次,梗會想多啲時間陪佢,但我需要一個人嘅時間先可以集中睇劇本,我中文程度要好集中,見到佢會冇咁集中。」

有諗結婚

問到二人有否討論過婚事?跟男友拍拖11年半的她說:「大家都有個諗法,我想佢(喺香港)搵到工,有份工穩定,自己先再諗一齊生活,我唔想催佢。(佢見你病有冇叫你唔好做?)我諗佢應該係等緊我返美國,可能覺得我玩夠娛樂圈,會覺得攰想要平常生活,但我愈做愈熱愛呢份工作,尤其做演員嘅角色好有新鮮感同挑戰,如果要我返朝九晚五對住啲文件會好悶,到時會諗點解要放棄。」

存在好大嘅問題

問到是否不會為男友放棄娛樂事業時,君馨謂:「呢個係我哋關係好大嘅問題,咁香港有好多銀行,但要喺美國做broadway要重新嚟過。今次要佢犧牲多少少(喺香港搵工),到時有家庭,佢係一家之主時,我會做支持佢嘅角色,大家互相遷就。」她又透露男友的家人很支持自己,常看其參演的劇集及相關報道:「佢屋企人識中文,佢都係叫屋企人話番畀佢知,所以返嚟香港一齊學吓中文幾好。」


來源 source: http://hk.on.cc
鍾意就快D Share啦!