2016年10月1日 星期六

【利是風波】張名雅友誼第一放棄捉鬼 __,張名雅,

係啦,友誼最緊要,張名雅放棄捉鬼,或者費事爆出邊個係內鬼都係明智之舉。前港姐冠軍張名雅上月初風光下嫁律師男友Joe,當日名雅啲金器多到兩隻手都唔夠戴,要掛埋頸先得,據知嫁妝至少80萬港元。不過近日爆出「開門利是」事件,令佢極之唔開心,仲全力捉內鬼。尋日佢喺姊妹群組中表示已經知邊個係內鬼,跟住講咗句有緣再聚就刪咗個群組。今日名雅可能諗通咗,喺微博上載一張姊妹團嘅大合照,留言話:「發生的都是小事,幫得 ...


係啦,友誼最緊要,張名雅放棄捉鬼,或者費事爆出邊個係內鬼都係明智之舉。

前港姐冠軍張名雅上月初風光下嫁律師男友Joe,當日名雅啲金器多到兩隻手都唔夠戴,要掛埋頸先得,據知嫁妝至少80萬港元。不過近日爆出「開門利是」事件,令佢極之唔開心,仲全力捉內鬼。尋日佢喺姊妹群組中表示已經知邊個係內鬼,跟住講咗句有緣再聚就刪咗個群組。

今日名雅可能諗通咗,喺微博上載一張姊妹團嘅大合照,留言話:「發生的都是小事,幫得我嘅都係好姊妹,大家感情依然要好。Delete groupchat 是避免複雜,亦無謂再估係邊個,這些都不重要,因為已經過去。最重要大家繼續開心生活。」

隔咗冇耐,更新完微博的張名雅,再跟手更新埋ig,其實內容大致上都差唔多,不過ig就透露咗開門利是唔止3800咁少,其實有五位數,佢喺ig留言:「發生的都是小事,最初的源頭出現了3800這個數字,而事實不是這樣,姊妹一共share了開心的五位數。我覺得幫得我嘅都係好姊妹,大家感情依然要好。Delete groupchat 是避免複雜,亦無謂再估係邊個,這些都不重要,因為已經過去。最重要大家繼續開心生活。」

其實,所謂嘅內鬼可能只係一時口快爆咗出嚟,都係無心之失,友誼始終都係第一嘅。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...