2016年10月2日 星期日

莊思明:慘遭網絡欺凌 莊思明反擊:我不會姑息 __,莊思明,思明,

莊思明今次真係嬲嬲豬喇!藝人莊思明同楊明嘅戀情曝光後,兩人愛得高調,經常喺社交網傳情晒恩愛。正所謂樹大招風,針對佢哋嘅言論不斷傳出。近日有網民不停喺佢哋社交網留言,用嘅難聽嘅說話中傷佢哋,呢日莊思明終於忍唔住氣,喺IG出甫反擊呢位網民。唔會寬恕網絡欺凌佢先上載一張對話截圖,留言指該網民喺佢IG胡說八道好耐,每舉報一次就開新帳戶繼續來搗亂:「這個人渣在我的IG胡說八道太久了,每舉報一次就再開新帳戶來 ...


莊思明今次真係嬲嬲豬喇!

藝人莊思明同楊明嘅戀情曝光後,兩人愛得高調,經常喺社交網傳情晒恩愛。正所謂樹大招風,針對佢哋嘅言論不斷傳出。近日有網民不停喺佢哋社交網留言,用嘅難聽嘅說話中傷佢哋,呢日莊思明終於忍唔住氣,喺IG出甫反擊呢位網民。

唔會寬恕網絡欺凌

佢先上載一張對話截圖,留言指該網民喺佢IG胡說八道好耐,每舉報一次就開新帳戶繼續來搗亂:「這個人渣在我的IG胡說八道太久了,每舉報一次就再開新帳戶來繼續搗亂,容忍是有限度的,這次你說的話也太過份了,還要詆毁我的朋友,單憑你這樣說楊明我已經可以告你誹謗!!!!麻煩各位愛錫我和楊明的朋友。@luxxxxxty這個人,留言給她,幫幫這個葡萄乾提升水準,別再遺禍人間!你以為你可以噴死我們?別太天真,我現在就找鍵盤戰士噴死你!你這麼喜歡網絡欺凌,那我就用你自己的毒藥毒死你!網絡欺凌不能寬恕,我不會姑息你!不喜歡我們的就乾脆不要看我們的IG就行了,謝謝!」

隔咗半個鐘左右,莊思明啖氣好似仲未消到,再次上載一張點天燈相,留言話:「感謝大家的支持,我們很好,只是容忍了很久也覺得那個人說的話愈來愈過分,她傷害我我根本不怕但她不可以傷害我身邊的人!在這提提大家網路欺凌在外國是嚴重罪行,不要以為躲在鍵盤後不負責任胡說八道很好玩,網絡欺凌曾經奪走了不小無辜的生命,這是不用忽視的問題也是我作為香港社會一分子非常關注的問題!感謝所有愛護我的人,我不會有事!我希望每個人都可以活得開心點!我相信只有愛和關心能令世界變得更美好。」正所謂相嗌唔好口,大家多一點讚美,少一點爭拗,世界都會靚啲。

「佢仲上心過我哋。」

之後,莊思明接受《東網》訪問,佢話:「有個人好煩擾,不停喺我ig留言叫我同楊明分開,之前已冇理佢,我仲report同block咗佢就算,但點知對方死心不息,開個新account不停tag番我哋,又留言講埋啲好難聽嘅說話。所以我忍唔住寫咗呢段嘢,畀啲網民搵吓呢個無謂人到底係邊個!我同楊明都唔明白點解佢咁上心,對我哋新聞跟得好貼,仲貼過我哋自己,而對方好似好希望我同楊明分開,唔知係咪葡萄我哋,講啲嘢係好唔抵得我哋咁開心,所以我叫對方做葡萄乾!大家放心,我同楊明都冇嘢,多謝大家關心!」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...