掃呢頁CODE去手機

2016年10月27日 星期四

【「你又學人做戲呀?」】拒談細妹葉童 李中寧費事叨光:我唔輕易求人 __,李中寧,葉童,

61歲李中寧,由失蹤人口忽然再成為焦點人物,由昔日銀河六星到拍三級片到退隱後依家做咗保安,患腦退化,要靠藥物控制病情。由千萬票房影星到依家做無人認得嘅保安,生活壓力不小,李中寧都話,接受周刊訪問後,已經俾老闆鬧,但每次有記者去搵佢傾兩句,李中寧最後都係唔忍心記者冇功課交,結果都係非常合作咁傾多幾句同影相。講明唔想復出嘅李中寧,真係一個心地善良嘅人,但因為身世坎坷,吃了不少苦頭,多年來也活不快樂之中 ...




其他影片:>>






61歲李中寧,由失蹤人口忽然再成為焦點人物,由昔日銀河六星到拍三級片到退隱後依家做咗保安,患腦退化,要靠藥物控制病情。由千萬票房影星到依家做無人認得嘅保安,生活壓力不小,李中寧都話,接受周刊訪問後,已經俾老闆鬧,但每次有記者去搵佢傾兩句,李中寧最後都係唔忍心記者冇功課交,結果都係非常合作咁傾多幾句同影相。講明唔想復出嘅李中寧,真係一個心地善良嘅人,但因為身世坎坷,吃了不少苦頭,多年來也活不快樂之中。翻開九十年代李中寧的專訪,他不介意告訴大家佢有幾唔開心,但有兩個字就是萬萬不能提,就是同父異母的妹妹葉童。李中寧是獨子,爸爸跟另一位太太生了葉童。兩人的兄妹關係,自葉童婚禮始曝光。當時李中寧被問到此事,曾直認謂:「事實上,葉童一直係我妹妹。」何以一直不認?「因為我呢個妹名氣實在太大,做哥哥唔想沾佢嘅光,或者影響到佢啲乜嘢。」咁點解又應邀出席婚禮?李中寧話:「大家始終都係一家人。」但李中寧嗰次飲完葉童嗰餐、令兩人關係曝光後,李中寧即收到葉童媽媽電話:「葉童媽媽打電話嚟同我傾咗好耐,其實佢都係為葉童好啫。」李中寧坦言父親不止有一位太太,兩女也知道彼此存在,一直相安無事,但好少見。再睇番同樣係出自90年代另一篇訪問,報道稱當時有傳李中寧經營之貿易公司生意失敗,李向妹妹葉童求助。李中寧回應稱絕無此事,更面有難色:「我哋好少往來,我經濟冇問題,就算有問題,我都有好多方法解決,不必勞動佢幫我。」李中寧於這篇訪問中,多次強調謂唔想外間誤會佢借妹妹個名博出位,並鄭重聲明:「我唔輕易求人。」訪問尾聲,李中寧再三叮囑唔好將佢個名同葉童拉埋一齊講。順帶再loop番一件當年李中寧提過嘅小事。佢話當年由英國讀完書返港,搵唔到嘢做,咁啱有臨記公司請人,李中寧就去做。當時葉童已經入咗影圈,紅透半邊天。李中寧憶述,嗰陣同家人講佢去做臨記,有人冷笑謂:「你又學人做戲?同我簽個名先喇!」李中寧憶述:「如果係其他人,冇問題,但出自屋企人把口,叫人點忍?」至於葉童,亦鮮有談及哥哥。多年前她在訪問稱:「李中寧係我爸爸同另一個女人生,雖然我好細個就知有呢個人存在,但我廿歲左右先見過佢一次面,大家唔會有聯絡,亦都唔係好熟,加上佢屋企同我屋企人都唔係呢行人,所以我都唔會刻意去提佢,唔想拉埋佢落水。」


來源 source: http://s.nextmedia.com
鍾意就快D Share啦!