掃呢頁CODE去手機

2016年10月3日 星期一

最強兄弟姊妹團!網民催唐詩詠快啲嫁人 __,唐詩詠,

喂!好快啲嫁人喇!藝人羅仲謙同楊怡今日大婚,筵開52席大宴親朋!佢哋嘅婚禮得以咁順利進行,其實班為數18人嘅最強兄弟、姊妹團有唔少功勞,佢哋全程幫新人打點,趁住休息時間即上載大合照,並齊齊為羅仲謙同楊怡送上祝福!最強兄弟團組合有馬國明、單立文、何君誠、吳卓羲、王浩信仲有無綫監製林志華等,陣容相當頂盛。網民見到「男神」馬國明都畀佢迷到暈陀陀,幾乎搶埋新郎哥風頭。而份屬唱得之人嘅單立文都有不少擁躉,個 ...


喂!好快啲嫁人喇!

藝人羅仲謙同楊怡今日大婚,筵開52席大宴親朋!佢哋嘅婚禮得以咁順利進行,其實班為數18人嘅最強兄弟、姊妹團有唔少功勞,佢哋全程幫新人打點,趁住休息時間即上載大合照,並齊齊為羅仲謙同楊怡送上祝福!

最強兄弟團組合有馬國明、單立文、何君誠、吳卓羲、王浩信仲有無綫監製林志華等,陣容相當頂盛。網民見到「男神」馬國明都畀佢迷到暈陀陀,幾乎搶埋新郎哥風頭。而份屬唱得之人嘅單立文都有不少擁躉,個個留言點唱,叫佢上台唱歌娛賓。

至於姊妹團方面就有唐詩詠、張美妮、康華,姚嘉妮、楊怡家姐楊卓娜、仲有好耐無露面嘅馬賽,陣容絕對唔比兄弟團遜色。有「絕世好女友」之稱嘅唐詩詠,得到一班網民祝福,祝佢盡快同男友洪永城拉埋天窗,加入人妻行列,成為張美妮、姚嘉妮及楊怡嘅其中一份子。


來源 source: http://hk.on.cc
鍾意就快D Share啦!