張嘉兒喺9月就生咗B女Leora，正式做咗人母，而喺張嘉兒喺圈中人緣一向好好，所以呢段期間，好多圈中好友都有去到探佢同BB，今日佢就喺微博貼咗張相，好似有湯洛雯、蔣家旻、戚黛黛、朱凱婷、岑杏賢、張美妮、楊卓娜同陳豪兩公婆，仲留言話：「Leora is one lucky , extremely blessed baby！ 寶寶多謝咁多位哥哥姐姐來探佢和送給她的禮物。」而陳豪同陳茵媺兩公婆，抱住個B女，就係細女Camilla，見到BB好多頭髮好可愛，陳豪抱住前世情人，兩父女真係好sweet。《蘋果》問到陳豪係唔係帶埋B女去探張嘉兒，佢就回覆咗一個有心嘅鍚鍚表情符號喇。
