吳啟華喺14年宣佈同細佢21年嘅大陸老婆石洋子離婚，之後佢哋2個共同照顧囡囡吳熙兒，不過最近有傳吳啟華對前妻一直念念不忘，決定的起心肝重新發動追求攻勢，結果成功翻撻嫩妻。早前吳啟華同埋石洋子，孖住趙碩之同周美欣去咗日本沖繩旅行，事後吳啟華話否認復合，仲話：「o依家當咗佢係親人，好似我大女咁，佢有唔開心都會嚟搵我傾偈，其實我一直有同佢出去玩，今次又唔係第一次，已經去過好多次，以後都會繼續去，有時會帶埋囡囡，有時會同其他朋友去。」聲稱過慣單身生活嘅吳啟華，果然言出必行，前日有讀者林先生透過本報「爆相爆片」，就話佢喺日本東京嘅Hilton酒店見到吳啟華同石洋子：「嗰陣佢哋兩個喺酒店嘅concierge問資料，睇見佢哋打開本旅行書，隱約聽到佢哋想book啲tour，仲不停叫酒店一定要confirm 畀佢哋。」林先生仲話：「吳啟華全程用英文同酒店職員溝通，不過佢身邊嘅女人似乎唔係好識英文，不停叫佢問酒店職員攞資料，所以吳啟華問完又普通話再講，大約擾攘咗10分鐘左右，酒店職員已經幫佢哋搵到一個地方，不過冇電話號碼。吳啟華又叫職員 check 附近店舖電話。」但係因為counter每次淨係可以處理兩個酒店客人，加上排隊嘅人大多數係其他國籍嘅遊客，所以唔算有太多人留意佢哋！唔知係咪得冇個女喺身邊，去邊到好寫意，石洋子噚日喺微博貼啲食嘢相，睇嚟呢個旅程真係好開心咁噃！
來源 source: http://s.nextmedia.com
|
鍾意就快D Share啦！
|
|
|