掃呢頁CODE去手機

2016年10月13日 星期四

陳瀅戴 Cartier訂情手鈪 [壹週刊 - 1388] 陳瀅,M1,

同你吟一吟陳瀅戴Cartier訂情手鈪陳瀅同四房長公子何猷亨拍拖7個月,女方就突然公開承認同對方分咗手,之後雙方亦未見有新歡出現。呢日《壹》仔喺圓方見到陳瀅,又搵咗好姊妹劉佩玥做水泡,兩人冇拎手袋兼且一身運動look,著長外套冚實嘅陳瀅,左右手都戴住CartierLOVEBracelet,見到鏡頭,佢下意識一手遮一手。講真!八珍早就發覺陳瀅係Cartier忠粉,即使佢公開向傳媒講分手當日,手上亦戴 ...


同你吟一吟

陳瀅戴 Cartier訂情手鈪

陳瀅同四房長公子何猷亨拍拖 7個月,女方就突然公開承認同對方分咗手,之後雙方亦未見有新歡出現。

呢日《壹》仔喺圓方見到陳瀅,又搵咗好姊妹劉佩玥做水泡,兩人冇拎手袋兼且一身運動 look,著長外套冚實嘅陳瀅,左右手都戴住 Cartier LOVE Bracelet,見到鏡頭,佢下意識一手遮一手。

講真!八珍早就發覺陳瀅係 Cartier忠粉,即使佢公開向傳媒講分手當日,手上亦戴住隻一定係男友送,唔會自己買嘅 LOVE Bracelet;呢日佢又成個街坊咁,响同猷亨拍拖時住過嘅君臨天下商場(圓方)遊蕩,真係有啲鬼馬。

《壹》仔問陳瀅仲有冇同猷亨聯絡?回應係:「架車壞咗,阿 Moon(劉佩玥)嚟車我!」之後無論《壹》仔點問,陳瀅都係繼續答同一個答案。分手?八珍多心,真係?

今年七月,陳瀅出席活動時認同猷亨分手,手上亦戴住訂情手鈪,二人轉玩地下情,大有可能。

左手右手都戴住男女訂情信物必選嘅 Cartier LOVE系列 Bracelet,新買? No la!應該係猷亨送嘅,點解仲戴住嘅。

做運動又好,行街又好,陳瀅都鍾意同好姊妹劉佩玥行孖咇,呢一日,兩人喺圓方遊蕩,但見到《壹》仔就即閃。

撰文︰八珍


鍾意就快D Share啦!