「彤叔」鄭裕彤上月29日於家中辭世，享年91歲，喪禮前彤叔的訃聞，長子鄭家純同王穎妤所生的兒子澤然、澤泓，認祖歸宗由姓王改姓鄭，原來彤叔除咗同周大福創辦人周至元嘅囡囡結婚，仲有一個陪伴8年嘅知己Cindy。今日有周刊提起呢位Cindy，自2004年開始，彤叔就同呢個來自哈爾濱嘅女仔，係Boe媽嘅姪女，喺哈爾濱參加美少女選舉拎冠軍，據知自從Boe媽介紹咗Cindy畀彤叔識，Cindy唔再想做明星，初時住新世界服務式住宅，有司機接送，自2004年9月有報道爆彤叔有新女友後，彤叔當時只否認對方係女友，又話太太冇呷醋。周刊又指，件事被報道完之後，Cindy就好少再公開現身，直至2012年有傳彤叔畀咗個單位佢住，閒時陪彤叔出席私人富豪飯局，而除夕ball，Cindy就同彤叔前後腳入場，有指Cindy好乖巧，好靜唔多嘢講，只係坐喺彤叔身邊，由於Cindy每次對鏡頭都擰歪面，好少影到佢個樣，更有傳2012年初，Cindy都曾陪彤叔去中環巡舖，直至彤叔中風之後，就冇再見到Cindy喇!另有傳當年彤叔宣佈退休，盼望同太太環遊世界。雖然2005年，彤叔與華裔小姐冠軍葉璇傳緋聞，不過照報道講Cindy陪伴8年，即係彤叔唔舒服先同Cindy斬纜!? 
來源 source: http://s.nextmedia.com
|
鍾意就快D Share啦！
|
|
|