掃呢頁CODE去手機

2016年10月4日 星期二

【Edison出道作】《特警新人類2》個個有着落 失蹤人口顏穎思變幸福少奶 __,Edison,顏穎思,陳冠希,

Edison陳冠希喺2000年出道,講到佢喺電影界嘅出道兼成名作,一定係《特警新人類2》。講起呢套戲第一集係由謝霆鋒同馮德倫主演,而第二集Edison就取代咗霆鋒做男主角,話晒《特警新人類2》係成16年前嘅作品,當年嘅戲中演員o依家又點呢?馮德倫近年演而優則導,退居幕後做導演,2012年同老友吳彥祖合資開設「突圍電影製作公司」,去做仲為吳彥祖主演的AMC美劇《荒原》做執行監制兼武術指導。感情方面, ...




其他影片:>>






Edison陳冠希喺2000年出道,講到佢喺電影界嘅出道兼成名作,一定係《特警新人類2》。講起呢套戲第一集係由謝霆鋒同馮德倫主演,而第二集Edison就取代咗霆鋒做男主角,話晒《特警新人類2》係成16年前嘅作品,當年嘅戲中演員o依家又點呢?馮德倫

近年演而優則導,退居幕後做導演,2012年同老友吳彥祖合資開設「突圍電影製作公司」 ,去做仲為吳彥祖主演的AMC美劇《荒原》做執行監制兼武術指導。感情方面,佢早前拍攝《俠盜聯盟》時,仲同女友舒淇突然決定結婚。李璨琛

多年嚟都係活躍幕前,仲同老友Frankie及Kobe成立咗潮牌Subcrew。2012年李璨琛同拍拖兩年嘅時裝設計師梁志瑩(Pae)結婚,加入人夫行列。孫國豪

喺戲中飾演奸角嘅台灣男星孫國豪,爸爸係台灣著名男星秦漢,孫國豪曾經拍過唔少香港電影,《特2》之後仲拍過黎明同瀨戶朝香嘅《不死情謎》,近年主力喺台灣發展。Maggie Q

《特警新人類2》亦都係Maggie Q嘅出道作品,從06年同Tom Cruise合作《Mission: Impossible III 》後正式到荷里活發展,而佢喺2014年拍攝美劇《Stalker》同男演員Dylan McDermott撻著,拍拖3個月後仲訂埋婚o添!顏穎思

仲拍過《絕色神偷》嘅顏穎思(Rachel),近年已經淡出娛樂圈,變失蹤人口,其餘佢去咗城大修讀法律學士課程,前年5月同教友Matthew Chung結埋婚,去年做埋媽媽o添!

當年嘅《特警新人類2》宣傳照 16年後嘅今日大家都各散東西
馮德倫近年退居幕後,早前拍攝《俠盜聯盟》時仲同女友舒淇結婚
李璨琛2012年同拍拖兩年嘅時裝設計師梁志瑩(Pae)結婚 孫國豪近年主力喺台灣發展 Maggie Q前年同男演員Dylan McDermot撻著,拍拖3個月後仲訂埋婚
顏穎思近年已經淡出娛樂圈,前年仲結埋婚,去年就成為人母

鍾意就快D Share啦!