掃呢頁CODE去手機

2016年10月13日 星期四

唔敢打鑼撐 舊愛 Joey暗 like何韻詩 [壹週刊 - 1388] Joey,何韻詩,M1,容袓兒

探熱針唔敢打鑼撐 舊愛Joey暗like何韻詩因為支持「雨傘運動」被標籤成為黃絲的何韻詩,申請了兩年才獲批出檔期的紅館演唱會,上星期五(7/10)順利開騷。由於方丈好小氣關係,一眾明星友好莫講話到場支持,連Facebook、IG都唔敢俾like,免被秋後算賬,頭尾場加埋只得明哥(黃耀明)、盧凱彤、杜汶澤同何詩女友鄧九雲、林海峰,及尾場Shine和葉德嫻等人,夠勇氣現身。至於何韻詩的舊愛容祖兒,雖然 ...


探熱針

唔敢打鑼撐 舊愛 Joey暗 like何韻詩

因為支持「雨傘運動」被標籤成為黃絲的何韻詩,申請了兩年才獲批出檔期的紅館演唱會,上星期五( 7/10)順利開騷。

由於方丈好小氣關係,一眾明星友好莫講話到場支持,連 Facebook、 IG都唔敢俾 like,免被秋後算賬,頭尾場加埋只得明哥(黃耀明)、盧凱彤、杜汶澤同何詩女友鄧九雲、林海峰,及尾場 Shine和葉德嫻等人,夠勇氣現身。

至於何韻詩的舊愛容祖兒,雖然唔敢明目張膽,亦偷偷暗 like……

女友晚晚捧場

因為被打壓,冇人收留被迫做獨立歌手的何韻詩,今次四場紅館「 Dear Friend何韻詩 2016演唱會」,也是自資主辦,自負盈虧。

以「 Dear Friend」做牌頭,但夠勇氣膽敢現身到場支持的朋友,只有小貓幾隻,除了每晚都有份上台表演的明哥(黃耀明)外,圈中友好只有盧凱彤、黃偉文同女友鄧九雲,光明正大坐在觀眾席上。

至於同樣因為政治言論被大陸封殺的杜汶澤,就負責做攝影師,攞住碌大炮( 300mm f2.8鏡)滿場走,義務替何韻詩影相,做大會攝影。

另一個夠膽企出來撐的是林海峰,演唱會頭場接近中段時間,全身黑衫戴埋黑帽的林海峰,低調出現觀眾席上,但睇了一陣,就匿番去後台。

女友鄧九雲睇足四場,她對何韻詩做任何事都好支持。

近年得番黃耀明對何韻詩不離不棄,他更是唯一的嘉賓。

林海峰刻意低調去捧場。

葉德嫻都支持「雨傘運動」,仲有份唱《撐起雨傘》,所以她夠膽到場支持。

杜汶澤同何韻詩因拍劇 friend咗,大家同樣被大陸封殺,今次他負責幫何韻詩做攝影師。

體諒同行

同行避之則吉,等了多年才再踏上紅館舞台的何韻詩,亦有在 Facebook發表感受,「其實,於其他同業,我是理解的。每個人都有自己不為人知的難處……有些同行友人發訊息來鼓勵,並且說抱歉,因為各種原因未能親身前來觀看……」

不過身為何韻詩過去式密友的容祖兒,原來都有暗 like前度。

雖然 Joey唔敢在何韻詩個人的 Facebook及 IG內俾 like或留言,但仍兜個圈,在何韻詩的化妝師 IG內,一個關於何韻詩演唱會 post低調俾 like,算是付諸行動,撐舊愛。

當年容祖兒同何韻詩原本感情很好,因為劉浩龍介入搶走 Joey,導致三人反目。

Joey唔夠膽在何韻詩的 Facebook俾 Like或留言,但在何韻詩的化妝師一個何韻詩 post內俾了 Like。

何韻詩見未得到同行力撐,所以在 Facebook打了一段文字,表示體諒。

Shine的天佑及又南,更將與何韻詩的合照,放上社交網站。

今次演唱會由何韻詩獨資舉辦,好彩四場爆滿,淨賺起碼有數百萬。

之前何韻詩開騷,陳奕迅全家以及 Joey、阿嬌等一眾明星好友,例必到場支持,如今只得番極少數明星敢到場。

撰文、攝影、攝錄:娛樂組


鍾意就快D Share啦!