掃呢頁CODE去手機

2016年10月3日 星期一

【動畫●獨家有片】唔係周太都唔係Mandy 洗米華陪「前世情人」澳門醫肚 __,洗米華,Mandy Lieu,Mandy,周焯華,

一直周旋喺「唯一」周太陳慧玲(Heidi)同女友MandyLieu之間嘅太陽娛樂老闆周焯華(洗米華),呢個「搶米戰」究竟幾時先可以有勝負,睇嚟仲係未知知數,不過肯定嘅係洗米華好似有一度隨意門喺個身上,呢頭喺澳門陪完「唯一」周太,轉個頭又會喺其他地方見到佢陪MandyLieu,足迹仲遍佈東南亞同歐洲,真係想講一句齊人真係唔易做!不過呢一世嘅情人固之然重要,但係洗米華都冇忽略佢個前世情人,即係佢同He ...




其他影片:>>






一直周旋喺「唯一」周太陳慧玲(Heidi)同女友Mandy Lieu之間嘅太陽娛樂老闆周焯華(洗米華),呢個「搶米戰」究竟幾時先可以有勝負,睇嚟仲係未知知數,不過肯定嘅係洗米華好似有一度隨意門喺個身上,呢頭喺澳門陪完「唯一」周太,轉個頭又會喺其他地方見到佢陪Mandy Lieu,足迹仲遍佈東南亞同歐洲,真係想講一句齊人真係唔易做!不過呢一世嘅情人固之然重要,但係洗米華都冇忽略佢個前世情人,即係佢同Heidi嘅大女周梓潼(Virginia),噚日有讀者Karl透過本報嘅「爆相爆片」,喺上星期五夜晚10點左右,喺澳門銀河酒店見到洗米華同埋大女,再加埋幾個阿女啲同學仔,一行多人喺賭場門口行過。讀者Karl話洗米華一貫全黑吊腳褲嘅打扮,雖然現場有唔少人見到佢都忍唔住眼望望,但係洗米華一於懶理,心情勁靚咁全程專注同個女傾計,跟住仲聽到佢問大家去唔去麥當勞,不過見到阿女同埋啲同學仔似乎冇乜反應,大家只係你眼望我眼,最終佢哋都冇入到去,然後就喺foodcourt附近失去蹤影。雖然洗米華全程表現輕鬆,但係佢身邊啲保鑣警覺性就好高,讀者Karl話佢個保鑣見到人拎住相機或者電話對住洗米華,即刻會行過望下,認真高度戒備!

洗米華趁有空閒時間,唔係陪洗米嫂或者Mandy,而係同囡囡及同學搵嘢食。 洗米華疑似係咪請囡囡啲同學開餐(讀者提供圖片) 保鑣警覺性好高,不時四圍望。(讀者提供圖片)
洗米華喺澳門,即係陪住「唯一周太」洗米嫂?(資料圖片) 之前試過突擊送花冧老婆。(資料圖片) Mandy呢?係咪仲喺倫敦?(資料圖片)

鍾意就快D Share啦!