掃呢頁CODE去手機

2016年10月5日 星期三

【一個星期就變臉】女神蘇麗珊傳搭上新歡 兩周前仲拖實游學修落MK __,女神,蘇麗珊,游學修,

【短片】【一個星期就變臉】女神蘇麗珊傳搭上新歡兩周前仲拖實游學修落MK2016-10-0509:33:00HKT男神游學修同女神蘇麗珊驚爆分手,相信唔止網民驚訝,就連半個紅娘、《哪一天我們會飛》導演黃修平都大感愕然。黃修平導演夜媽媽知道游學修自爆俾女神撇,都打個突,佢接受《蘋果》電話訪問時稱:「完全唔知佢哋分手,我都係睇報紙先至知。好可惜。我唔方便講佢哋嘅嘢,但係早一兩星期我哋仲一齊打邊爐,唔覺得 ...


【短片】【一個星期就變臉】女神蘇麗珊傳搭上新歡 兩周前仲拖實游學修落MK

2016-10-05 09:33:00 HKT



男神游學修同女神蘇麗珊驚爆分手,相信唔止網民驚訝,就連半個紅娘、《哪一天我們會飛》導演黃修平都大感愕然。

黃修平導演夜媽媽知道游學修自爆俾女神撇,都打個突,佢接受《蘋果》電話訪問時稱:「完全唔知佢哋分手,我都係睇報紙先至知。好可惜。我唔方便講佢哋嘅嘢,但係早一兩星期我哋仲一齊打邊爐,唔覺得有咩嘢唔妥,總之就好突然。」

黃導覺得突然,男主角游學修都話自己好愕然,表示係「一星期前,我和你們一樣,突然地收分手的惡耗。很傷,很痛,很失望。我知道愛我們的你也是。我這一刻看清楚了,希望給大家一個交代。」即係話,佢都係一星期之前先至知自己俾人飛。

飛得咁突然,傳聞有兩個版本,第一就係,玩地下情。事關黃導都話咗,早兩星期前先至一齊打邊爐,毫無異樣。而且,約差唔多時候,即係大約都係兩星期前左右,游學修同蘇麗珊先至十指緊扣行旺角,仲喺H&M附近搵嘢食,唔少市民同自由行應該可以做證。

咁點解要玩地下情呢?有傳係因為佢兩個真係太高調,連體嬰咁分唔開,但女方演藝事業開始發力,一部接一部,拍完《無間道》網劇又拍新片《逆向誘拐》,角色漸漸吃重。而多橋嘅游學修,CapTV搞得有聲有色,一個係幕前,一個係網上,兩個嘅距離,慢慢遠咗。有傳女方嘅公司唔想戀情影響蘇麗珊事業,所以要求明明好sweet嘅一對扮分手。

不過游學修喺分手聲明中,就話明自己「我會繼續我的坦誠、善良,未來仍會全心全意愛人」,坦誠。即係佢應該係冇講大話,除非言語偽術。

另一個版本就係,蘇麗珊愛上另一個,同時又拖住游學修,一直揀緊,揀到一星期前,終於諗定,向游學修提出分手。於是,游學修短短一星期內就由天堂落咗地獄。如果係真,咁呢位女神都幾……得人驚。

至於呢位傳說中嘅新歡,有傳係之前俾《蘋果》影到一齊嘅「A貨吳肇軒」顧定軒,今年22歲,佢都係一位演員嚟,拍過唔少微電影,佢仲拍過陶傑執導嘅《愛.尋.迷》飾演女主角羅霖嘅同性戀囝囝,佢又拍過香港電視嘅《大眾情性》,同蘇麗珊似是志趣相投喎,但亦有傳係另有其人。

好驚呀…點解會咁㗎?


鍾意就快D Share啦!