2016年10月19日 星期三

【惡鬥子怡】阿嬌新戲NG不能 壓力爆煲 __,阿嬌,章子怡,子怡,鍾欣潼,

章子怡(左上圖)同阿嬌嘅30年代造型,一樣咁靚!由內地影后章子怡及影帝葛優孭飛的英皇電影《羅曼蒂克消亡史》攻佔內地聖誕檔期,於12月23日上映,香港映期則要待定。電影集合大量好戲之人參演,包括日本男星淺野忠信、鍾欣潼(阿嬌)、杜淳、霍思燕、袁泉、閆妮、韓庚及鍾漢良等。飾演嬌柔舞小姐「老五」的阿嬌,是電影第二女主角,角色既複雜又不易處理,阿嬌亦坦言有不少內心戲,令她壓力甚大。為件旗袍唔衰得《羅》片最 ...


章子怡(左上圖)同阿嬌嘅30年代造型,一樣咁靚!

由內地影后章子怡及影帝葛優孭飛的英皇電影《羅曼蒂克消亡史》攻佔內地聖誕檔期,於12月23日上映,香港映期則要待定。

電影集合大量好戲之人參演,包括日本男星淺野忠信、鍾欣潼(阿嬌)、杜淳、霍思燕、袁泉、閆妮、韓庚及鍾漢良等。飾演嬌柔舞小姐「老五」的阿嬌,是電影第二女主角,角色既複雜又不易處理,阿嬌亦坦言有不少內心戲,令她壓力甚大。

為件旗袍唔衰得

《羅》片最新預告片曝光,子怡與阿嬌的30年代美人造型相當吸睛。該片散發懸疑氣氛,其中一場見穿旗袍及皮草的阿嬌揸槍與人駁火,最後中槍流血不止。原來這是阿嬌入行多年、第一次穿反應彈裝拍攝被射擊的戲份,因該件旗袍只得一件,故絕不可以NG,令阿嬌壓力大增,幸她成功交足戲一take過搞掂。

速成上海話唔容易

另一個壓力來源,是阿嬌的角色要講大量上海話,阿嬌直言搲晒頭,更要自創標記幫助記憶,並謂要速成上海話絕不容易,她笑說:「我覺得好似太空話,就算加咗標記都好難記,好多時候仲要係即晚練,第日就要拍,所以唔瞓都要背熟佢。」

讚子怡親切

阿嬌今次與影帝葛優及影后章子怡合作,跟葛優更有大量對手戲,她直言原本覺得兩人氣場甚大,但其後發現他們相當親切,葛優更叫她放鬆心情。她說:「佢哋係好好嘅學習對象,多謝導演程耳畀機會我,今次見識咗好多,令我又長大咗。」

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!
Related Posts Plugin for WordPress, Blogger...