2016年10月4日 星期二

麥芷誼:【為生計做番Sales】麥芷誼銳意轉戰幕後 __,麥芷誼,

麥芷誼心中團「演員之火」未熄,仲話遲啲會辭咗Sales份工,投入電影幕後工作,加油呀!影壇新人麥芷誼(Koyi)去年豁出去全裸拍攝電影《同班同學》做女主角,當時更辭去原本的售貨員工作,為追夢破釜沉舟。可惜,拍畢該片後,Koyi差不多一年冇戲拍,經濟陷入困境,年中更一度要捱麵包度日。為了不想成為屋企負擔,早前麥芷誼再次重投Sales行業,於太古城一間店舖內工作。現場所見,她工作十分落力,每見有客人入 ...




其他影片:>>






麥芷誼心中團「演員之火」未熄,仲話遲啲會辭咗Sales份工,投入電影幕後工作,加油呀!

影壇新人麥芷誼(Koyi)去年豁出去全裸拍攝電影《同班同學》做女主角,當時更辭去原本的售貨員工作,為追夢破釜沉舟。可惜,拍畢該片後,Koyi差不多一年冇戲拍,經濟陷入困境,年中更一度要捱麵包度日。為了不想成為屋企負擔,早前麥芷誼再次重投Sales行業,於太古城一間店舖內工作。現場所見,她工作十分落力,每見有客人入內,即落力推銷一番,對貨品的資料亦瞭如指掌,十分專業!

自備清水食lunch真慳家

而午飯時候,Koyi未有外出午膳,待兩點半下午茶時間一到,才外出吃飯,期間更連買樽裝水的錢都「慳番」,在公司裝滿一杯水拿着去美食廣場,實行慳得一蚊得一蚊!

記者趁Koyi差不多吃完飯時,上前跟她做訪問,她指已任Sales一段時間,她說:「做咗一段日子,始終都要生活,今年年頭開始到年中,經濟都幾拮据,連家用都唔係咁畀到,仲有之前讀大學借咗學費仲還緊,唔想屋企人擔心,所以就做番Sales。」

盼望將來再做演員

雖然做番Sales,但Koyi做演員的火並沒有熄滅,之後會再次辭工,投入電影幕後工作,任電影服裝美指助理,非常適合大學修讀時裝設計系的她。Koyi又謂始終最想做演員,希望將來再有演出機會。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...