掃呢頁CODE去手機

2016年10月13日 星期四

林忠豪用 T牌溝女 [壹週刊 - 1388] __,林忠豪,M1,

T牌嘅用途,主要係用嚟方便車行俾準買家試車,又或者將架車由A點揸去B點,之類之類;不過,亦造就唔少有窿路嘅有錢人,借此閃避汽車首次登記稅,林忠豪仲用嚟車埋女,明目張膽到呢。同你吟一吟林忠豪用T牌溝女法律係保障有錢人,就算唔係百分百,亦不遠!尤其係啲灰色地帶嘅法律罅,尋常人冇辦法享用到,但有錢有關係嘅,就得!當年廖碧兒背住陳豪搭上李澤楷表弟林忠豪,被爆係拜金女後,林忠豪就換畫同Susanna(小圖) ...


T牌嘅用途,主要係用嚟方便車行俾準買家試車,又或者將架車由 A點揸去 B點,之類之類;不過,亦造就唔少有窿路嘅有錢人,借此閃避汽車首次登記稅,林忠豪仲用嚟車埋女,明目張膽到呢。

同你吟一吟

林忠豪用 T牌溝女

法律係保障有錢人,就算唔係百分百,亦不遠!尤其係啲灰色地帶嘅法律罅,尋常人冇辦法享用到,但有錢有關係嘅,就得!

當年廖碧兒背住陳豪搭上李澤楷表弟林忠豪,被爆係拜金女後,林忠豪就換畫同 Susanna(小圖)一齊。

有晚《壹》仔喺大坑見到李澤楷表弟林忠豪,同個高高瘦瘦嘅長髮女子一齊上咗架 Lamborghini。飛甩廖碧兒後,林忠豪就同個叫 Susanna嘅女仔出雙入對,仲話係未婚妻;是夜見到嗰位靚女,有幾成似 Susanna。

不過,個 point唔係女伴,而係架車。呢架林寶 Aventador SV,車價連稅 800萬走唔甩,但林忠豪有窿路用到 T牌,慳番汽車首次登記稅,粗略計,四球(百萬)! T牌可以載人遊車河?得!只要你冇收費唔係出租車,總之,用 T牌有大把規矩,但灰色地帶亦多。呢種走法律罅慳錢揸靚車嘅做法,林忠豪當然唔係唯一,好出名嘅仲有要包起個工廈停車場放玩具嘅沈嘉偉。

撰文︰八珍


鍾意就快D Share啦!