2016年10月1日 星期六

【獨家】聲稱「捉到鬼」 張名雅突然unfollow姊妹何傲兒instagram? __,傲兒,何傲兒,張名雅,

【短片】【獨家】聲稱「捉到鬼」張名雅突然unfollow姊妹何傲兒instagram?2016-10-0100:00:00HKT究竟張名雅口中嘅「鬼」係邊個呢?張名雅話要喺姊妹團入面搵下邊個係鬼,爆出開門利是銀碼細。(資料圖片)陳庭欣今日出席活動話自己唔係鬼。(資料圖片)何傲兒暫時未有回應。(資料圖片)到底邊個係人邊個係鬼?農曆7月都過咗,依家先至嚟捉鬼?事件主角仍然係新婚嘅張名雅,之前已經因為好 ...


【短片】【獨家】聲稱「捉到鬼」 張名雅突然unfollow姊妹何傲兒instagram?

2016-10-01 00:00:00 HKT



究竟張名雅口中嘅「鬼」係邊個呢?





張名雅話要喺姊妹團入面搵下邊個係鬼,爆出開門利是銀碼細。(資料圖片)



陳庭欣今日出席活動話自己唔係鬼。(資料圖片)



何傲兒暫時未有回應。(資料圖片)

到底邊個係人邊個係鬼?農曆7月都過咗,依家先至嚟捉鬼?

事件主角仍然係新婚嘅張名雅,之前已經因為好姊妹陳庭欣一次唔小心,爆咗佢同律師男友蔡錦豪嘅婚訊;然後輪到另一個好姊妹唐貝詩爆咗張名雅婚期係9月9日。最驚喜嘅兩樣嘢都俾人爆晒喇。

更慘豬嘅係,新婚燕爾期間,竟有人向傳媒吹水,話開門利是得$3,800。而有機會放料嘅,最大可能係張名雅陪嫁嘅9位姊妹,特別係平時同傳媒有接觸嘅藝人機會最大,包括:唐貝詩、何傲兒、譚凱琪、陳庭欣、節目主持李靄璣同動作演員何佩珉。

噚日《蘋果》獨家爆料,張名雅早將兄弟姊妹團加入WhatsApp group,方便傾婚禮細節。日前新聞一出,一眾兄弟姊妹即喺WhatsApp中,抽絲剝繭討論「捉鬼」。嫌疑人之一陳庭欣同日出席活動時,就表示張名雅已於gp裡面宣佈已經知道邊個係內鬼,仲講咗句『有緣再聚』,然後刪咗個gp。(新聞連結: http://bit.ly/2dcJc6x )

陳庭欣堅稱自己唔係鬼,仲話有片為證;唐貝詩就話知道內鬼「唔係姊妹團嘅人,冇被人誤會,邊會講呢啲嘢」。估唔到喺呢個時候,突然爆出張名雅取消follow何傲兒個ig!唔通隻鬼就係……

張名雅接受傳媒訪問時解釋,根本由一開始,佢就冇follow何傲兒個ig,而絕對唔係unfollow。

唔follow何傲兒ig原因,張名雅話,因為何傲兒個ig好少更新,佢根本唔肯定呢個「何傲兒ig」係fake定係真係佢。「有啲人嘅ig好少更新,fb同微博就多啲。如果佢ig唔係成日更新嘅話我又未必會見到,嗰啲我就未必會follow到。何傲兒個ig我之前真係冇留意到,唔知道佢有呢個account,但fb、微博嗰啲全部都有0架。」

張名雅回應傳媒時又指,何傲兒ig個case,同苟芸慧嘅差唔多,佢都係一段時間之後先至知嗰度真係苟姑娘,所以follow番。

似乎又講得通,但另一個問題又嚟。婚禮當日影大合照時,張名雅有將張相擺上ig,而且有tag何傲兒。咁,即係張名雅應該知嗰個就係何傲兒ig acc.有點前後矛盾。又或者,落tag呢個,唔係張名雅本人,但ig係唔可以咁做。

咁究竟,張名雅口中呢隻鬼係邊個?佢點都唔肯講,至於何傲兒就暫未回應。

究竟件事會點收科?定係其實已經收咗科?


鍾意就快D Share啦!
Related Posts Plugin for WordPress, Blogger...