2016年10月12日 星期三

【全力開港劇】ViuTV推英文96台 台名暗喻主權移交前美好的年代? __,ViuTV,Viu,

【全力開港劇】ViuTV推英文96台台名暗喻主權移交前美好的年代?40,850建立時間(HKT):101117:44適中字型較大字型「最緊要有自由嘅選擇!」ViuTV開台半年,雖然首季蝕咗6800萬,打大佬——無綫仍未見成效,但係佢哋未因為蝕錢而閂水喉,繼續試新嘢,變陣搶攻。日前《蘋果》已率先披露,ViuTV明年除會繼續做新一輯《跟住矛盾去旅行》同《G-1格鬥會》等節目之外,亦開始主力做音樂節目同 ...


【全力開港劇】ViuTV推英文96台 台名暗喻主權移交前美好的年代?

40,850
建立時間 (HKT): 1011 17:44

「最緊要有自由嘅選擇!」ViuTV開台半年,雖然首季蝕咗6800萬,打大佬——無綫仍未見成效,但係佢哋未因為蝕錢而閂水喉,繼續試新嘢,變陣搶攻。日前《蘋果》已率先披露,ViuTV明年除會繼續做新一輯《跟住矛盾去旅行》同《G-1格鬥會》等節目之外,亦開始主力做音樂節目同繼續開新劇。今日ViuTV喺灣仔演藝學院舉行「2017年節目發佈會」,公佈更詳情。原來除咗開劇之外,ViuTV仲會開英文台,台名叫做「96台」——全新免費電視頻道ViuTV six。依家同大家陸續介紹下有乜嘢新搞作:1.英文台啟播

「96台」——全新免費電視頻道ViuTV six,明年3月31日開台。英文台內容包括新聞、時事、綜藝、紀實,當然仲有劇集,新劇同經典劇都有。ViuTV節目簡介:「揭開英文頻道新一頁,引領香港人邁向全球公民」。至於點解叫「six」,簡介就話,連繫世界上的陌生人,只需要六道橋樑;六,是連繫世界的秘密數字,是無限大的代名詞。咁台號96係咪有政治喻意?代表主權移交之前(即96年)係最美好的年代?(包括殖民色彩、關於英國的種種…)ViuTV製作部副總裁金廣誠笑言:「叫96同99純粹係易叫好記,大家唔好亂揣測,台號只係台號,冇任何意思。」問到開英文台對budget會唔會更加大?「咁呢個係英文台嘅事。」2.開拍劇集

依家一周五日,日日有劇播,開台劇《瑪嘉烈與大衛系列 綠豆》計劃開拍前傳,亦即係後生版嘅瑪嘉烈同大衛,已落實由23歲文青女神袁澧林(Angela)做瑪嘉烈,黃子華舞台劇《前度》、飾演子華個仔嘅劉俊謙做大衛。另一劇集就係由邵仲衡、朱慧敏合作拍攝《詭探》,故事內容由一個個都市傳說串起,邵仲衡同朱慧敏就係飾演偵探,聯手解開種種疑團;而金馬兼金像獎最佳男配角白只,亦與朱凌凌隊友合拍劇集《午夜伴廊》。3.音樂節目

ViuTV搵咗唔少猛人助陣,包括譚詠麟(阿倫)嚟緊會主持《譚校長 談‧欣賞》,暫定有10集,每集嘉賓包括張學友、劉德華、五月天等等;另亦將開拍一個落區唱歌嘅音樂節目,由Dear Jane、RubberBand、Robynn & Kendy同C AllStar呢四隊樂隊組合主持。4.綜藝節目

除有《跟住矛盾去旅行》同《G-1格鬥會》等之外,之前同因續約問題與無綫不歡而散的伍詠薇,除為有線主持節目外,亦將夥拍詹瑞文、劉美君及Kevin仔合拍主持真人騷《碌卡大導》,屆時四人將以超低成本首次擔任微電影導演,碌爆人情卡。今日劉美君都有出席記招,笑言做呢個節目真係碌爆晒人情卡:「依家債台高到不得了,唔知幾時先還得晒。之前喺美國睇唔到ViuTV,ViuTV打嚟邀請我做節目,我依家覺得有少少受騙,話搵我做導演,點知就要我返到嚟再搵人。」另鄒凱光亦將繼續與ViuTV合作,新節目叫《教壞細路》,化身另類補習老師,專為小一至小三學生教授真實社會現況,等佢哋提早接觸成人世界。艾粒亦將聯同蔡家富(Gabriel)主持《黑料理》,聯手炮製你估唔到嘅「黑料理」。5.外購劇集/動畫

外購劇集會有韓劇《W兩個世界》、《Doctors》、《雲畫的月光》,而喺動畫方面就會有《暗殺教室》同《一拳超人》,RubberBand仲會為《一拳超人》唱主題曲,仲會直播西班牙甲組聯賽的賽事。

《瑪嘉烈與大衛系列 綠豆》 文青女神Angela啊!
阿媽可以有幾大隻?
艾粒亦將聯同蔡家富(Gabriel)主持《黑料理》
詹瑞文、劉美君及Kevin仔合拍主持真人騷《碌卡大導》 白只與朱凌凌隊友合拍劇集《午夜伴廊》

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...