掃呢頁CODE去手機

2016年11月30日 星期三

話搵人斬佢三母女同淋鏹水》曹母揚言跳樓 要曹央雲交2000萬現金 __,曹央雲,



其他影片:>>






「半夜12點前見唔到二千萬CASH,我就喺三十幾樓跳落去!」曹央雲阿媽就係咁問個女攞錢,有人仲話要搵人斬曹央雲三母女,同淋佢哋鏹水。惡到呢!雖然咁多年嚟曹央雲阿媽已經袋咗二千萬資產,但人心不足,佢似乎多多錢都唔夠。之前曹母打俾曹央雲,要佢喺半夜十二點前,親身拎2000萬CASH去寶琳娘家。如果唔係就喺三十幾樓跳落去,等全世界都知道,個女幾咁刻薄同逼死阿媽。其實當時曹央雲每個月俾5萬蚊家用,過時過節 ...


「半夜12點前見唔到二千萬CASH,我就喺三十幾樓跳落去!」

曹央雲阿媽就係咁問個女攞錢,有人仲話要搵人斬曹央雲三母女,同淋佢哋鏹水。惡到呢!

雖然咁多年嚟曹央雲阿媽已經袋咗二千萬資產,但人心不足,佢似乎多多錢都唔夠。

之前曹母打俾曹央雲,要佢喺半夜十二點前,親身拎2000萬CASH去寶琳娘家。如果唔係就喺三十幾樓跳落去,等全世界都知道,個女幾咁刻薄同逼死阿媽。

其實當時曹央雲每個月俾5萬蚊家用,過時過節又俾十幾萬阿媽。另外每個月又俾4萬蚊照顧細妹一家五口。

但有人仍然唔滿足,想分晒佢份身家。有大半年時間,曹央雲晚晚都收到午夜凶鈴,對方留言話要搵人斬佢三母女,同淋佢哋鏹水。

由於曹央雲係單親媽咪,好擔心兩個女嘅安全,成日同朋友哭訴,連律師都勸佢報警備案。不過佢覺得始終係一家人,心軟冇咁做。

鍾慧冰都收過佢嘅求助電話,鍾慧冰話:「佢好似長期生活喺恐懼中,有時半夜會收到求救電話,就話好驚,不斷喊,覺得自己生命受到威脅,又覺得自己唔安全,家人同兩個女唔安全。」

曹母亦唔錫住曹央雲個大女Audrey,Audrey三歲幾嗰陣,曹母試過突然抱起佢狂chok狂揈,搞到曹央雲同個女都好驚。

由於當時曹央雲接咗佢媽咪同細妹一家五口去山頂大屋一齊住,佢只好將自己同個女反鎖喺房,避開曹母。


來源 source: http://s.nextmedia.com
鍾意就快D Share啦!