掃呢頁CODE去手機

2016年11月19日 星期六

【獨家】又有咗?攜子掃健康食品 37歲官恩娜肚凸凸孕味濃 __,官恩娜,

今年37歲嘅官恩娜(Ella),去年2月低調同中法混血男友Domingo結婚,同年10月佢就幫老公生咗個好可愛混血兒BBGabriel(bébéG),轉吓眼bébéG都已經一歲多,目前專心湊仔嘅Ella,前日就孕味好濃咁同bébéG去咗渣甸山一間超市買嘢,唔通bébéG就快榮升做哥哥?前日下晝5點多,Ella就帶住工人姐姐同囝囝bébéG,由司機送到去渣甸山一間超級市場買嘢。一身黑衣加一件外套嘅E ...




其他影片:>>






今年37歲嘅官恩娜(Ella),去年2月低調同中法混血男友Domingo結婚,同年10月佢就幫老公生咗個好可愛混血兒BB Gabriel(bébé G),轉吓眼 bébé G都已經一歲多,目前專心湊仔嘅Ella,前日就孕味好濃咁同bébé G去咗渣甸山一間超市買嘢,唔通bébé G就快榮升做哥哥?前日下晝5點多,Ella就帶住工人姐姐同囝囝bébé G,由司機送到去渣甸山一間超級市場買嘢。一身黑衣加一件外套嘅Ella,身形明顯發脹,孕味極濃,見佢喺超市都係揀啲好健康嘅食物,如生果、麵包咁。近日元朗又再發生拐子佬事件,唔知係咪咁嘅關係,Ella嘅警覺性亦特別高,每當有人經過佢同bébé G身邊,佢都會好留心睇吓係乜人,兼且會叮囑工人姐姐要睇實bébé G,而一歲多嘅bébé G就好活躍,四周圍咁走,仲會專登走埋去搵揀緊麵包嘅媽咪到,O氹得媽咪鬼咁開心!當超市越嚟越多人嘅時候,工人姐姐都搞唔掂bébé G,所以就將佢放咗喺購物車上面,Ella就繼續揀嘢,買完嘢後,佢就索性將購物車推到樓下等司機,等車期間,Ella就全程撩囝囝玩,但呢個時候bébé G就對媽媽冇乜興趣喇,反而被四周圍嘅環境吸引,係咁周圍望,腳仔揈揈咁,真係好鬼可愛!之後佢哋就上車離開返屋企。事後《蘋果》曾經向Ella同經理人求證,但係未有回覆,唔通真係......

採訪、攝影:畢紹基 bébé G十分活躍周圍走。 Ella好專心咁揀麵包。
由於太多人,工人姐姐將bébé G放上購物車。 Ella不時撩囝囝玩。 bébé G對四周圍環境都好好奇。
Ella同囝囝買完嘢,就同工人姐姐一齊等司機。 Ella一副有子萬事足模樣。(ig 圖片) bébé G已經一歲嘞!(ig圖片)
Ella不時喺ig到上載bébé G嘅新相。( ig圖片 ) Ella陀住bébé G(資料圖片) Ella去年2月低調同中法混血男友Domingo結婚。(資料圖片)

來源 source: http://s.nextmedia.com
鍾意就快D Share啦!