掃呢頁CODE去手機

2016年11月10日 星期四

《真情》阿靜  43歲彭子晴西貢放閃 [壹週刊 - 1392] __,彭子晴,M1,

彭子晴雖然已經43歲,但無論個樣同body,都keep得OK。同你吟一吟《真情》阿靜 43歲彭子晴西貢放閃大台藝人就算做唔到一線小生花旦,但只要入到屋,得阿豬媽歡心,一樣有機會出位,尤其係拍處境劇,一個角色做幾年,唔識煲到識。由80年代嘅《香港八一》,到近年嘅《愛•回家》,靠處境劇食胡嘅藝人多到數唔晒,不過亦有唔少一早轉行,其中包括彭子晴。早排《壹》仔喺西貢見到90年代同傅明憲、陳彥行、姚瑩瑩、曹 ...


彭子晴雖然已經 43歲,但無論個樣同 body,都 keep得 OK。

同你吟一吟

《真情》阿靜  43歲彭子晴西貢放閃

大台藝人就算做唔到一線小生花旦,但只要入到屋,得阿豬媽歡心,一樣有機會出位,尤其係拍處境劇,一個角色做幾年,唔識煲到識。

由 80年代嘅《香港八一》,到近年嘅《愛•回家》,靠處境劇食胡嘅藝人多到數唔晒,不過亦有唔少一早轉行,其中包括彭子晴。

早排《壹》仔喺西貢見到 90年代同傅明憲、陳彥行、姚瑩瑩、曹眾被稱「無綫五美」嘅彭子晴,佢喺大台拍過唔少經典劇好似《壹號皇庭》、《天地男兒》之類,但令人最有印象,係《真情》嘅阿靜,當年亦傳過佢同對手盧慶輝(立生)戲假情真。

隱退轉做保險超過十年,已經 43歲嘅彭子晴依然 keep住長頭髮,身形亦冇走樣。是日佢同個老人家喺超市買完嘢,之後响附近啲巷仔左穿右插,話咁快就唔見咗影。咁熟路,明顯係西貢街坊

冇化妝一身街坊打扮嘅彭子晴,同個老人家喺西貢惠康入貨。

鼻哥痕痕,彭子晴先將上唇向下拖,再落手喺外圍𢱑吓,頂住先。

好姨劉丹做膽嘅《真情》,係大台 90年代出品,由 95做到 99年,至今依然係香港最長篇處境劇。

大台要捧邊啲小生花旦,例會起個朵出嚟,當年(後排左起)曹眾、彭子晴、姚瑩瑩,同(前排左起)陳彥行、傅明憲,就被封為「無綫五美」。

撰文:八珍


鍾意就快D Share啦!