掃呢頁CODE去手機

2016年11月1日 星期二

網民熱話:45歲靚靚晒素顏 網民激讚:唔化妝仲好 __,靚靚,袁詠儀,

靚靚同張智霖夫妻檔玩真人騷。藝人張智霖(Chilam)同老婆袁詠儀(靚靚),近年不時以夫妻檔參演內地真人騷節目,繼之前嘅《一路上有你》之後,近日就為《一年級.畢業季》齊齊化身星級導師,Chilam擔任老師,而靚靚就做助教。佢兩個為咗節目效果,仲要「犧牲」色相,自我「摧毀」男神、女神形象!夫妻晒恩愛開頭節目主持人話因為靚靚輸咗,所以提出卸妝唱歌呢個懲罰。Chilam一聽到就即刻同靚靚講:「我們應該分 ...




其他影片:>>






靚靚同張智霖夫妻檔玩真人騷。

藝人張智霖(Chilam)同老婆袁詠儀(靚靚),近年不時以夫妻檔參演內地真人騷節目,繼之前嘅《一路上有你》之後,近日就為《一年級.畢業季》齊齊化身星級導師,Chilam擔任老師,而靚靚就做助教。佢兩個為咗節目效果,仲要「犧牲」色相,自我「摧毀」男神、女神形象!

夫妻晒恩愛

開頭節目主持人話因為靚靚輸咗,所以提出卸妝唱歌呢個懲罰。Chilam一聽到就即刻同靚靚講:「我們應該分工合作,你卸妝我唱歌。」向來都好有霸氣嘅靚靚,聽到之後即刻用愛嚟反擊Chilam:「你愛我,你應該代替我。」點知Chilam聽到即刻話:「那是當然的。」現場嘉賓聽到,即起哄叫Chilam不如用肉色絲襪笠頭唱歌當懲罰,靚靚見到咁就即刻霸氣咁話要表演卸妝,但又幫手起哄叫Chilam絲襪笠頭唱歌,實行娛己娛人!

變矇豬眼、豬膽鼻

向來都好玩得嘅男神Chilam一嘢將絲襪笠落個頭,引嚟全場大笑,而靚靚為咗令Chilam更加醜樣,仲特登將絲襪扯一扯,點知就唔係好夠效果,最後要Chilam自己出手,用力再扯一扯將自己個樣變到矇豬眼同豬膽鼻,令到全場即時爆笑,靚靚仲要笑到踎低收唔到聲。

邊落妝邊伴舞

Chilam表演完絲襪笠頭之後,就輪到靚靚即場卸妝,見到靚靚一啲都唔Hea,真係落得好認真,連唇膏都抹埋,真係全素顏畀你睇!相信唔少巴絲都知道,女人卸妝嗰陣其實都幾難睇㗎,但難得嘅係靚靚完全唔介意,仲邊落妝邊為Chilam伴舞。

靚靚落完妝之後,網友話靚靚雖然已經45歲,但係佢卸妝前同卸妝後冇咩分別,完全係零毛孔兼皮光肉滑,仲有網友讚靚靚唔化妝仲好睇㖭!其實唔止網友咁講,就連Chilam都話:「我覺得她不化妝更好看。」靚靚聽完即刻冧爆話:「他最喜歡就是我不化妝。」唔少網友都話Chilam同靚靚呢對夫妻檔,為節目真係可以去到好盡,個個仲讚靚靚真係人如其名,唔化妝一樣咁掂!

網友有話兒:

Eexxn xxe:靚靚素顏很美,皮膚好好哦,好會保養。

xxco Li:兩個都好掂,靚靚仲掂,真係分別不大~

Weixxi Lox:為什(甚)麼你們倆還是可以那麼帥,那麼靚?羨慕!

Opxxlia Pxxg:我未見過人係自己拉隻絲褯襪

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!