網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年11月4日 星期五

【獨家有相】笠假髮坐港鐵 61歲吳剛尷尬表錯情 __,港鐵,吳剛,

講起吳剛師傅,就會諗起《歡樂滿東華》,諗起《東華》,就一定會記得吳剛搽油、食炭呢啲經典場面。不過自從吳剛10幾年前轉做飲食業之後,立立令露肉場面,從此成為絕響。o依家吳剛師傅出親街,都要着番套老西,成個生意人咁。前日(2日)夜晚9點,有讀者劉先生「爆相爆片」喺港鐵油塘站轉車時,見到戴住眼鏡嘅吳剛師傅,坐喺車廂入面。做咗10幾年生意嘅佢,呢日依舊着住白色裇衫加畢挺黑色西裝、西裝袋仲放咗條袋巾仔。讀者 ...




其他影片:>>






講起吳剛師傅,就會諗起《歡樂滿東華》,諗起《東華》,就一定會記得吳剛搽油、食炭呢啲經典場面。不過自從吳剛10幾年前轉做飲食業之後,立立令露肉場面,從此成為絕響。o依家吳剛師傅出親街,都要着番套老西,成個生意人咁。前日(2日)夜晚9點,有讀者劉先生「爆相爆片」喺港鐵油塘站轉車時,見到戴住眼鏡嘅吳剛師傅,坐喺車廂入面。做咗10幾年生意嘅佢,呢日依舊着住白色裇衫加畢挺黑色西裝、西裝袋仲放咗條袋巾仔。讀者劉先生話吳剛傾傾吓電話,見到有對父子企喺佢面前,原本揞嘴嘅右手,即刻好自然舉起手同人打招呼。劉先生話:「我以為嗰個爸爸係識吳剛師傅,點知吳剛同佢打招呼,個爸爸完全冇反應,仲行埋一邊,吳剛惟有放低手,表情都幾尷尬!」不過唔覺意會錯意嘅吳剛,好快又回復四萬笑容!轉頭吳剛再眼定定望住對面偷影緊嘅劉先生,望咗兩眼就露咗個會心微笑,似乎吳剛冇做娛圈咁耐,對鏡頭觸覺都幾敏銳。比起《東華》時嘅大隻吳剛,今年61歲嘅佢,身型明顯瘦咗一個碼,頭頂永恆濃密烏黑、密不透風嘅假髮,再加企領裇衫厚西裝,就算呢排天氣涼咗,但睇見佢呢身造型都戥佢熱!

(圖片由讀者劉先生提供) 吳剛前晚9點,笠住假髮嘅吳剛,笑晒口傾電話!(圖片由讀者劉先生提供) 吳剛退出娛圈10幾年,o依家打理緊酒樓。(資料圖片)
着白裇衫黑西裝係每日指定動作。(資料圖片) 《東華》嗰陣,為籌款,手掂火試過!(資料圖片) 噴火都試過!(資料圖片)
頭碎磚頭!(資料圖片) 好油膩吓!(資料圖片)

來源 source: http://s.nextmedia.com
鍾意就快D Share啦!