2016年11月15日 星期二

大劉呂麗君分訊》一口氣7報頭版發聲明 大劉:2014年已經正式分手! __,大劉,劉鑾雄,

大劉呂麗君分訊》一口氣7報頭版發聲明大劉:2014年已經正式分手!自從大劉健康出現問題以嚟,一直陪住佢出出入入嘅都係甘比,而呂麗君竟然影都無,真係好令人費解,唯一嘅解釋就係散咗。一直都係估估下,依家水落石出喇,事關今日大劉終於出招,一口氣喺7份報章頭版刊登聲明話俾大家知:「本人與呂麗君在2014年已經正式分手,彼此再沒有任何關係!」聲明入面,最主要有4大點,都係同呂麗君所生嘅一對仔女,喺教育同生活 ...




  • 其他影片:>>






  • 大劉呂麗君分訊》一口氣7報頭版發聲明 大劉:2014年已經正式分手!
  • 自從大劉健康出現問題以嚟,一直陪住佢出出入入嘅都係甘比,而呂麗君竟然影都無,真係好令人費解,唯一嘅解釋就係散咗。一直都係估估下,依家水落石出喇,事關今日大劉終於出招,一口氣喺7份報章頭版刊登聲明話俾大家知:「本人與呂麗君在2014年已經正式分手,彼此再沒有任何關係!」

    聲明入面,最主要有4大點,都係同呂麗君所生嘅一對仔女,喺教育同生活上嘅安排有關。

    一,大劉會承擔一對仔女嘅生活費同教育費;二,同意呂麗君入住大劉為一對仔女安排嘅大宅;三,會預留私人飛機同名下房車供一對仔女及呂麗君使用;四,一對仔女嘅生活費會交由呂麗君安排運用。

    其實唔難發現,呢啲安排都係為一對仔女而設,呂麗君一個崩都無,而大劉都直認呢種安排,唔係出於對呂麗君嘅關照同愛護,只係純屬方便照顧一對仔女、純粹因為女方係對仔女嘅媽咪。嘩,講到咁,唔通佢哋係不歡而散?

    點都好,跟咗大劉咁多年,呂麗君啲物業、現金同珠寶,假假地都足以令佢成為億萬富婆,就算日後無大劉任何支持,佢都夠嘆過世啦。

    聲明全文:

    「對於近月有報道關於本人與呂麗君小姐(簡稱「呂小姐」)的關係,本人發現當中有不少失實之處,現發此場聲明以正視聽。

    1.本人與呂小姐在2014年已經正式分手,彼此再沒有任何關係。自分手後,本本人與呂小姐的任何接觸,只因為她是本人兩名年幼子女的母親,僅此而已,並無其他。

    2.對於本人與呂小姐的一對子女,本人一直負責他們的生活、教育及其他開支,即使與呂小姐的關係已了斷,也會繼續履行父親的責任。

    3.分手前,本人一直照顧呂小姐的起居飲食,並且送給她大量現金、首飾及其他禮物,總值超過港幣$20億。她現在已是超級富婆,無需要我任何經濟支持,也可過著富裕的生活。

    4. 本人與呂小姐在2015年已經訂立書面協議,同意各不相干,互不拖欠,各自生活,絕不騷擾對方及各自的家庭朋友,雙方並承諾不會向對方要求或追討任何資產權益。本人沒有責任亦不會再照顧呂小姐或給予她任何金錢或其他饋贈。

    5.考慮到子女還年幼,需要照顧,本人因此同意讓呂小姐居住在本人為子女安排的大宅,也讓呂小姐享用本人為子女安排的車輛及私人飛機只為方便照顧和陪伴他們,本人也把子女的生活費交予呂小姐處理。

    本人鄭重聲明,這一切安排絕對不代表本人對呂小姐的任何關照或愛護,純屬為方便照顧兩名年幼子女,有關安排將因應情況而更改,本人亦保留一切變更改動及修改的權利。

    本人希望大家從此明白本人與呂小姐已斷絕關係,不要再作錯誤報道或揣測。

    劉鑾雄


    鍾意就快D Share啦!
    Related Posts Plugin for WordPress, Blogger...