網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年11月29日 星期二

【獨家.有註冊相】8月底入紙 34歲孫慧雪下月愉景灣嫁富二代 __,富二代,孫慧雪,

現年34歲、擁33C身材嘅宅男女神孫慧雪,早前承認同富二代男友EdwinLo拍拖,更喺8月被《蘋果》影到佢哋行銅鑼灣名店搵婚戒,當時雪雪BB回覆話:「我哋拍拖係有咁嘅方向,如果係結婚,我會同大家宣佈。」估唔到,事隔數月即傳嚟好消息。本報記者噚日喺金鐘婚姻註冊處,發現雪雪BB同Edwin,已於8月31日入紙排期註冊結婚,喺佢哋嘅擬結婚通知書上,兩人報稱嘅地址相同、同居於北角,據資料顯示,Edwin比 ...




其他影片:>>






現年34歲、擁33C身材嘅宅男女神孫慧雪,早前承認同富二代男友Edwin Lo拍拖,更喺8月被《蘋果》影到佢哋行銅鑼灣名店搵婚戒,當時雪雪BB回覆話:「我哋拍拖係有咁嘅方向,如果係結婚,我會同大家宣佈。」估唔到,事隔數月即傳嚟好消息。本報記者噚日喺金鐘婚姻註冊處,發現雪雪BB同Edwin,已於8月31日入紙排期註冊結婚,喺佢哋嘅擬結婚通知書上,兩人報稱嘅地址相同、同居於北角,據資料顯示,Edwin比雪雪BB大約兩年、現年36歲,但兩人均冇公開職業。據知,二人將於下月23日,喺愉景灣舉行婚禮。其實喺今年7月,雪雪BB出席活動時,已放聲氣話恨嫁,當時聲稱同男友Edwin「分手」嘅佢,坦言渴望搵到另一半:「我都有一顆恨嫁的心,想搵個人錫我、錫我家人,夾得嚟嘅人。」咁o依家搵到咯,認真恭喜晒!而雪雪BB即將做人妻,同樣早已有跡可尋,早喺上個月26日,就已經有讀者向《蘋果》爆料,話雪雪BB當日喺愉影灣同男友行禮結婚,當時記者撲個空,而雪雪BB當日就回覆本報話:「我o依家係城大喎,7點會去柴灣青年廣場出席903活動!」當時眾人以為只係一個美麗誤會。(新聞連結: http://bit.ly/2gxhAMl )不過計番日子,雪雪BB當時已經入咗紙同Edwin註冊結婚,而結婚地點又咁啱喺係愉景灣,雖然當事人當時冇承認,但人物同地點都中,確實又錯唔晒喎!

孫慧雪8月底同未婚夫Edwin入紙排期註冊。(攝影:黃曉妍) 孫慧雪同Edwin嘅擬結婚通知書曝光,資料顯示,兩人報稱同一住址。 雪雪BB一度聲稱回復單身,但不久就被本報讀者踢爆佢同Edwin喺吉野家撐枱腳。(資料圖片)
雪雪BB早前扮到靚靚咁出席台慶活動,當時都冇鬆口提婚事。(資料圖片) 雪雪BB同Edwin有情人終成眷屬。(資料圖片) 雪雪BB今年推出入行10年紀念寫真集《Once》。(資料圖片)
(資料圖片) (資料圖片) (資料圖片)
(資料圖片) (資料圖片)

來源 source: http://s.nextmedia.com
鍾意就快D Share啦!


Related Posts Plugin for WordPress, Blogger...