掃呢頁CODE去手機

2016年11月22日 星期二

【不認不認還須認】親證陀B女3個月 24歲吳若希:我會把自己照顧的肥肥白白 __,吳若希,

【新增吳若希Ig回應】24歲吳若希(Jinny)早前已傳佢珠胎暗結,盛傳佢同澳門闊少Alex分完手又復合兼懷孕,佢仲向TVB請假1年,搬埋去澳門闊少嘅豪宅安胎,鵲巢鳩佔,不過佢就一直冇認到,直至11月初,吳若希講明有了3個月、結婚會通知大家,佢真係有「找數」,日前先喺社交網暗示有喜。講來講去,吳若希都冇正面回應,不過…不認不認還須認!接受TVB專訪就咩都講得喇!今日TVB嘅娛樂台喺網上app播出吳 ...




其他影片:>>






【新增吳若希Ig回應】24歲吳若希(Jinny)早前已傳佢珠胎暗結,盛傳佢同澳門闊少Alex分完手又復合兼懷孕,佢仲向TVB請假1年,搬埋去澳門闊少嘅豪宅安胎,鵲巢鳩佔,不過佢就一直冇認到,直至11月初,吳若希講明有了3個月、結婚會通知大家,佢真係有「找數」,日前先喺社交網暗示有喜。講來講去,吳若希都冇正面回應,不過…不認不認還須認!接受TVB專訪就咩都講得喇!今日TVB嘅娛樂台喺網上app播出吳若希專訪片,節錄咗10分鐘內容,問到早幾日講有件幸福事開心事遲啲同大家講,吳若希用一把好嗲嘅聲講:「冇錯!呢件開心事就係我就嚟做媽媽喇!」佢就話多謝大家,因為陸續有啲傳言出咗嚟,當中有真嘅、有假嘅,大部份嘅消息唔係經佢把口講出嚟,所以想同大家講清楚,話由今日開始,可以好開心咁接受大家嘅祝福。主持人話大家都關心BB嘅性別,知道係仔定女未?吳若希稱其實係上星期先知道,就係女嚟嘅,自己同BB爸爸都好鍾意,都冇話特別鍾意男仔定女仔,自己嘅小朋友只要佢係健康就足夠。吳若希目前陀B三個月多啲,直言其實唔係好想公佈,始終當外界有咁多關注、猜測,佢都要出嚟同大家講番聲,明白自己係一個公眾人物,喺未懷有身孕之前,請咗一段長時間嘅假,原本都係抱住一個要休息嘅心態,所以都唔想有太多嘅新聞影響生活,當然亦有好多開心嘅嘢陸續發生,所以好希望件事係由佢自己真真正正開口講。佢透露冇問醫生,不過佢就推算預產期5月初,有機會BB同自己係同一個月出世。而吳若希喺個訪問出街後,啱啱喺自己個Instagram貼相,仲留言話:「感謝老闆和同事們,比我自己還要緊張我自己,感謝粉絲,謝謝妳們貼心的問候,謝謝我的家人們,我會把自己照顧的肥肥白白。遲啲見!」相中嘅吳若希V晒手咁,又四萬咁口,相信佢真係好開心!

吳若希噚日返香港,今日就接受TVB專訪,認咗有喜3個月。(網上截圖) 就嚟就媽媽,吳若希表情多多,顯得期待。(網上截圖) (網上截圖)
(網上截圖) (網上截圖) 吳若希啱啱喺Ig貼相感謝外界公司同事同fans

來源 source: http://s.nextmedia.com
鍾意就快D Share啦!