雪雪畀說話男友聽，話年紀大生B唔係咁好，睇嚟想逼婚喎！
「宅男女神」孫慧雪（雪雪）出席品牌巡禮活動，獲大會頒發「年度最Like人氣王」獎項的她，坦言覺得自己於今年的人氣確有上升：「因為我多咗工作，呢個星期都接咗兩個品牌代言人，好開心，會繼續努力，係旅行團同手機遊戲嘅代言。（收入多咗好多？）係呢十年入面，今年最多。（多咗幾多？）多咗六位數。（可以買樓？）仲努力緊，儲多啲先。」
等男友求婚
問到是否跟男友計劃結婚？34歲的雪雪表示暫不回應：「係嘅話會公布，之前有啲報道出咗，多咗人同我講係咪結婚，其實係未。（想幾歲前結？）我都會想結，我哋有想結呢個方向，真正係先會公布。（籌備緊？）想，但工作好忙，睇幾時得閒。（求咗婚？）大家定咗對方係結婚對象，我年紀都唔細，唔想煩。（畀啲壓力佢？）都會畀啲聲氣佢聽，我會講啲人話年紀大生BB唔係咁好，佢就會話知㗎喇。（你主動向佢求婚？）唔得，女仔要有矜持。（依家係同居？）都好穩定。」
唔再行性感？
至於會否再推出寫真或行性感路線，雪雪表示不會：「《幕後玩家》太性感啦，佢哋話鍾意我木乃伊造型多啲，可能睇厭咗我性感，要諗吓其他方法。（收起性感關唔關男友畀壓力事？）佢唔理我工作上嘅嘢，我逼佢睇都唔睇。（冇眼睇？）佢唔理我做嘢，費是嗌交。」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|